Matiye 12:4 - Bible azumeina

⁴ Ni nana ba, mi kal kur gonga hAlonid’a, mi tavungô ma nga tinda avok Alona ma nga ngad’a yam mam ki suma ki sed’ema á ted’a d’uo wani ni yam suma ngat buzuna holu na ge?

Matiye 12:4 ပူးပေါင်းရင်းမြစ်များ

Buzuk ka Abud’a 25:30

Agi tinigi avungô ma a tinim iram vam mi ana avogon yam tabul máma burâ ki burâ.

Sunda hi suma hi Levi-nid’a 8:31

Moise mi de mi Aron azi ki groma ala: Agi yagi hliwa gamlâ máma avun zlub’u d’a ngaf tad’a, agi mud’ugizi nata yi máma zlapa kavungô ma nga kur gagalagad’a ma a tin ki sana kur sun nda ngat buzunid’a d’igi an hagi vuna ala: Agi mud’ugiziya na.

Matiye 12:3

Wani Jesus mi hulong dazi ala: Agi ndumugi nga kur mbaktumba hAlonid’a yagi tu vama David azi ki suma a nga ki sed’ema a lum ata yima meid’a nga d’i tchazina d’uo zu?

Matiye 12:5

Na ni agi ndumugi nga kur mbaktum mba gata hi Moise-sa ala kur bur ma sabatna suma ngat buzuna a nga tchila yam bur ma sabatna kur gong nga kud’ora hAlonid’a, wani zla nga kazi d’uo d’uo zu?

Marik 2:26

Mi kal kur gonga hAlonid’a, mi tavungô ma nga tinda avok Alonina. Natchogoi d’a Abiyatar ni ma ngol ma ngat buzunid’a. Kur gat meid’a suma ngat buzuna a tumî azi hol. Wani David mi kal kua, mi yomu, mi he mi suma a nga ki sed’ema mi.

Wana ni Zla d’a Djivi d’a Luc mi b’irita 6:4

Ni nana ba, mi kal kur gonga hAlonid’a, mi yo avungô ma nga tinda avok Alonina, mi tum mi hum mi suma a nga ki sed’ema mi ge? Kur gat meid’a, suma ngat buzuna a tumî azi hol.

Hebre-na 9:2

Kayam a ve zlub’ud’a adjewe. Hurut ma abuna, a yum ala Yima Alona mi tinim iram vama. Kurumu, lalamba ki tabulâ kavungô ma nga tinda avok Alonina a nga kua.

1 Samuel 21:4

Ma ngat buzuna mi hulong de mi David ala: Avungô ma hawana nga abon ndi. Le sum mangâ a wal tazi woi karopma ni, avungô ma a tinim iram vam yam Alonina mi nga.

1 Samuel 21:6

Ata yi máma ma ngat buzuna mi havungô ma a tinim iram vama mi David, kayam avungô ma ding nga d’i; ni ma a tinim iram vam mAlona ma a yomï woi avok Ma didina kur bur ma á vragam ki ma akunina.