Matiye 11:23 - Bible azumeina

²³ Agi suma Kapernayum-ma, agi djib’eregi kurugi ala a mba yogi gak igi akulo zu? Alona mba mi tchugugi kä woi azul leyo. Kayam an ladjï le sun nda ndandala aduk suma Sodom-ma d’igi an lat adigagi na ni, Sodom mbi nga gak ini tua.

Matiye 11:23 ပူးပေါင်းရင်းမြစ်များ

Ad’u Tinda 13:13

Wani suma Sodom-ma ni suma murud’umba ngola heîna, ni suma le tchod’a avok Ma didina ngola heîna mi.

Hor ma tchina 2:1

Alë! Ni nana ba, Salad’a kur ayî mama mi zlup gor wei d’a Siyon-nda kä ki d’ugula ge? Mi geï subura hi Israel-lîd’a akulo dei gak ti nde kä yam andagad’a. Kur ayî mama mi djib’er nga d’ala ndat ni vama d’igal asema d’a d’i.

Ezekiyel 26:20

An mba ni gang kä kur zul la yiyika gen suma mat suma a nga kä adjeu dedeina. Ang mba ar kaka kä ad’u andagad’a d’igi suma a b’lak kei dedeina na, zlapa ki suma mat suma a bo avorongâ, ang dok djagï akulo á kaka aduk suma a nga ki irazi yam andagad’ina d’uo d’a.

Ezekiyel 31:14

A le hina ni kayambala agu ma avun mbina ma mi tche mbina heîna, mi wul gak yam mbi do d’ugula d’oze mi subur tam yam fiyak mamba d’uo d’a, kayam aguna pet a lum ná matna d’igi suma na, a mba i kä ad’u andagad’a gen suma a i kä azuleina.

Ezekiyel 32:18

Ang gor sana, ang tchi yam suma ablau suma Ezipte-na, ang zud’uzi kä, zlapa ki gro aropma handjaf suma ad’engîna kä ad’u andagad’a, zlapa ki suma a i kä azuleina.

Ezekiyel 32:24

Gola! Amul ma Elam-ma mi nga kua ki azigar mama. Asud’a hi azigar mam suma a tchazi avun ayînina pet ti ngui asu mamba. Azi ni suma bei ngat bayâd’ina, azi ni suma a mbut suma a nga kaka ki irazi yam andagad’ina mandarâ adjeuna. Azi mbut zulona zlapa ki suma ding suma a i kä azuleina.

Abdiyas 1:4

Wani le agi i kagagi sä nakulo dei d’igi b’aruna na d’oze agi minigi aziyagi sä nakulo aduk tchitchiud’a pî, an mba ni tchugugï asegi kä woyo.

Matiye 10:15

Gagazi, an nga ni dagiya, kur bur ma ka sariyad’a, sariya d’a a mba kat yam azì ma ngol mámid’a, kal la a kat yam Sodom ki Gomor-ra.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Matiye 17:24

Kid’a azi mbaza Kapernayum-mba, suma tar beged’a yam gong nga kud’ora hAlonid’ina, a mba ata Pierre, a dum ala: Magi ma hata mi wurak lombod’a yam gong nga kud’ora hAlonid’a d’uo zu?

Matiye 4:13

Mi ar Nazarat, mi i avo Kapernayum mba nga avun apo d’a Galile d’a ir hagad’a hi Zabulon ki Neftali-d’a.

Matiye 8:5

Kid’a Jesus mi kal avo Kapernayum-mba, ma ngol ma azigarâ abom kis ma Romê-na, mi mba gevem mi tchenemu,

Wana ni Zla d’a Djivi d’a Luc mi b’irita 10:15

Agi suma Kapernayum-ma, agi djib’eregi kurugi ala a mba yogi gak igi akulo zu? Alona mba mi tchugugi kä woi azul leyo.

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 16:23

Nga mi fe ndaka ata yima azuleina. Mi hle iram akulo, mi we Abraham sä woi hina dei, Lazar sä gevem mi.

Wana ni Zla d’a Djivi d’a Luc mi b’irita 4:23

Mi dazi ala: Dam agi mba dan zla d’a d’ogol la wanda ala: Dokdorâ, ang sut tangû. Ahle suma ang lazi kur Kapernayum suma ami humuzi ang lazina, ang lazi ka hî kur aziyang mi.

Sunda hi suma a sunuzinid’a 2:27

kayam ang mba aran kä ata yima azuleina d’i, ang mba aran ma ang tinin iran vana kä kur zula á tchimba d’i.

Sunda hi suma a sunuzinid’a 2:31

Kayam mi we zla ndata avogo, mi de zla d’a yam tchola hi Mesi-d’a akulo aduk suma matnid’a ala: A aram nga kä ata yima azuleina d’i, hliwim tchim nga d’uo mi.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Vama ndum mbeina 11:8

Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.

Vama ndum mbeina 20:13

Alum ma ngolâ nga mi buzuk ki suma bo kuruma. Matna ki yina hi suma azuleinina a buzuk ki suma azi ngomozina mi. A kazi sariyad’a kazi pet, ndak yam ahle suma azi lazina.

Vama ndum mbeina 6:8

An gola, an we akulum ma bolona. Ma nga kama a yum ala Matna. Yima azuleina nga mi tit blogomu. Andagad’a abot ma fid’ina, a hazi ad’enga yam abot ma tuna á tchi suma woi ki mbigeu d’a fiyaka ki baktarad’a ki tugud’eid’a kazurei suma ayî suma yam andagad’ina mi.