Matiye 11:21 - Bible azumeina

²¹ Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Matiye 11:21 ပူးပေါင်းရင်းမြစ်များ

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Joel 3:4

Agi suma Tir-râ ki suma Sidon-na pet, agi suma nga yam andaga d’a Filistê-d’ina, vama ndologi ki an ni me ge? Agi hal á hlagi atchugulugi ki sed’en ndju? Le agi hal á hlagi atchugulugi ki sed’enu ni, an mba ni hulong hlatchugul ndata ki sed’egi atogo zak!

Amos 1:9

Ma didina mi dala: Suma Tir-râ a nga i avogovok kur tchod’a wan pî, an mba ni djok vunan yam zla d’a an data d’i. Kayam a yo suma magomba pet, a hazi mi suma Edom-ma bei djib’er yam bana d’a azi vata ba,

Matiye 11:22

Wani an nga ni dagiya, kur bur ma ka sariyad’a, sariya d’a a mba kat yam azì ma nglo mámid’a mba d’i kal la a kat yam azì ma ngol ma Tir-râ ki d’a yam azì ma ngol ma Sidon-nid’a.

Matiye 15:21

Jesus mi tchol ata yi máma, mi i yam andaga d’a go ki Tir azi ki Sidon-nda.

Matiye 18:7

Ni zla d’a hohoud’a yam suma yam andagad’a suma a nga lahle suma a tchuk suma kur tchod’ina. Mbeî ahle suma a tchuk suma kur tchod’ina a mba mba, wani ni zla d’a hohoud’a yam sama mi mba kahle ndazinina.

Matiye 26:24

An Gor Sana nga ni i á matna d’igi a b’ir kan kur mbaktumba hAlonid’a na. Wani ni zla d’a hohoud’a yam sama kol ma mba mi han an Gor Sana abo sumina. Sa máma ladjï a vud’um mbuo pî ni, hotei.

Marik 3:8

Jerusalem, Idume, suma dang alum ma Jurdê-na ki suma kur azì ma ngui Tir ki Sidon-na pet. Azi mbeï gevem kayam azi hum ahle suma mi nga mi lazina.

Marik 6:45

Ata yi máma na wat, Jesus mi sek mam suma hata ped’et ala a tchuk kur alumba, a i avogom abo woi hî gak Betsaida, kayam mam tamba mi tin ablau suma woi ta tua.

Marik 7:24

Jesus mi tcholï sa hî, mi i yam andaga d’a go ki azì ma Tir-rîd’a. Mi kal kur azì ma ding tu, mi min ala sa mi wum mbi, wani ngei mamba nga d’i.

Marik 7:31

Jesus mi nde woi kur andaga d’a Tir-ra, mi hulongî ni ki lovot ta Sidon-nda, mi kal yam andaga d’a Azì ma nglo ma dogona mi nga kuad’a, mi i avun apo d’a Galile-d’a.

Marik 8:22

Jesus azi ki mam suma hata a mba kur Betsaida. A mba ki sama duka mi Jesus, a tchenem ala mi domu.

Wana ni Zla d’a Djivi d’a Luc mi b’irita 4:26

Alona mi sun Elie nga mi sa tu adigazi d’i, ni mi modono d’a Sarepta d’a kur ambas sa Sidon-nda hol.

Wana ni Zla d’a Djivi d’a Luc mi b’irita 6:17

Jesus mi tchugï asem kä ki sed’eziya, mi tchol ata yima kikid’i’â. Ni yima ablau mam suma hata a nga kuana. Ata yi máma, ablau suma a nga toka kua ngola mi. Azi ni suma Jude-na, suma Jerusalem-ma, suma a nga avun alum ma ngolîna, suma Tir-râ ki suma Sidon-na mi.

Wana ni Zla d’a Djivi d’a Luc mi b’irita 9:10

Kid’a suma a sunuzina a hulongîd’a, a de mi Jesus ahlena pet suma azi lazina. Mi yozi ad’umu, mi i ki sed’ezi woi nde go kazì ma ngol ma a yum ala Betsaida na.

Jean 1:44

Filip ni ma Betsaida-na. Betsaida nazina hi Andre azi ki Pierre-râ.

Jean 12:21

Azi i gen Filip ma Betsaida ma Galile-na, a djobom ala: Sama ngolâ, ami min wami Jesus.

Sunda hi suma a sunuzinid’a 12:20

Herot hurum zal yam suma Tir-râ ki suma Sidon-na. Azi tok taziya, a i gevem ki hur ma tuna. A i fe Blastus amulâ vunam ma ad’u kä na. A tchenem ala mi zlabazi darigïd’a kamulâ, kayam ambas mazid’a ti fe tena ni kur ambasa hamulîd’a.

Sunda hi suma a sunuzinid’a 27:3

Tcha ndjivinda ami mbami sä Sidon. Juliyus mi le Paul djivid’a, mi aram mi i gen buniyôma ala azi ndjunumu.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Vama ndum mbeina 6:12

Ata yima Gor timina mi hô dubang ma karagayana woina, an gol andagad’a ti yir gigidji, afata ti mbut wurad’a d’igi baru d’a dodora na, tilâ mi mbut hleud’a d’igi buzuna na mi.