Matiye 11:18 - Bible azumeina

¹⁸ Kayam Jean ma le suma batemba mi mba, mi te nga avu d’i, mi tche nga süm guguzlud’a d’i, wani suma a nga de kam ala: Mi nga ki muzuk ma tchona kurumu.

Matiye 11:18 ပူးပေါင်းရင်းမြစ်များ

2 Amuleina 9:11

Jehu mi ndabua, mi hulong gen ndrom azigar suma nglona hamulîna. Azi djobom ala: Nana ge? Ma lili máma mi mba geveng nana ge? Jehu mi hulong dazi ala: Mi mba ni hawa ko. Agi wagi ma djok vun máma ki zla mam mba ded’a tetet.

Jeremi 15:17

An kak nga aduk toka hi suma las suma á san ki sed’ezi d’i. Kayam ad’eng manga, an kak kei van tu, kayam ang oyôn kayî mangâ.

Jeremi 29:26

Ma didina mi tining ma ngat buzuna balum Jehojada ma ngat buzuna, ni kayambala ang tin irang kur gong nga kud’ora hi Ma didinid’a yam sama lara ma mi kaï guruta mi yi tam ala mam mi ma djok vun Alona na, ang gum aleina asemu, ang tchugum erdje ma kaweina kelem mi d’a.

Wana ni mbaktumba hi Oze-d’a 9:7

Bur ma Ma didina mba mi mba á ngobogina nga mi djïya. Gagazi, bur ma hlatchugula nga mi djïya. Agi Israel-lâ, agi mba wagiziya. Agi nga dagi ala: Ma djok vun Alona mi ni lilid’a, sama Muzu’â nga mi zud’uma ni sama yam nga d’uo na. Tcho magi d’a bei dap ndumba ki murud’um magid’a a kal ngola heî.

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 11:17

Ami nga bugi taulâd’a, agi nga luwugi d’i; ami nga tchimi horâ, agi nga tchigi d’uo mi.

Matiye 3:4

Jean baru mam mba tchuka ni tumus djambala, d’i’â nga djinda furum mi. Te mama nabureina kayuma.

Matiye 9:34

Wani Fariziyêna a dala: Mi nga mi dik muzuk ma teteng ma tchona woi ni kad’eng nga amulâ hi muzuk ma tchona mi humzid’a.

Marik 3:22

Suma hat gat suma Jerusalem-ma a mba, a dala: Mi nga ki Belzebul kurumu. Suma hiuna a nga dala: Ni kad’enga hamulâ hi muzuk ma tchonina ba, mi nga mi dik ki muzuk ma teteng ma tchona woi wana.

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Jean 10:20

Suma ablaud’a adigazi a dala: Mi nga ki muzuk ma tchona kurumu, mi gurut ni gurud’a. Ni kayam me ba, agi humugizi ge?

Jean 7:20

Ablau suma a hulong dum ala: Ang wana nga ki muzuk ma tchona kurungû. Sama halang á tchid’a ni nge ge?

Jean 8:48

Juif-fâ a hulong dum ala: Zla d’a ami dat ala: Angî ma Samari-na, ang nga ki muzuk ma tchona kurungû d’a, ni zla d’a gagazid’a d’uo zu?

Jean 8:52

Juif-fâ a dum ala: Ki tchetchemba, ami wami tetet ala ang nga ki muzuk ma tchona kurungû. Abraham mi mid’a, suma djok vun Alona a bo mi, wani ang dala: Le sama ngom zla manda ni, mba mi mit ti gak didin.

Sunda hi suma a sunuzinid’a 26:24

Kid’a Paul nga mi väd’u zla mambid’a, Festus mi de ki delem akulo ala: Paul, angî lilid’a, we mang nga heîd’a ti mbud’ung wa lilid’a.

1 Korente-na 9:27

Wani an nga ni d’el tanu, nga ni le tan magomba kayambala bugol an tchi wala mi suma hiunid’a, an tanda ni mbut ni vama ara woina d’i.