Matiye 10:28 - Bible azumeina

²⁸ Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Matiye 10:28 ပူးပေါင်းရင်းမြစ်များ

2 Amuleina 17:39

Ar agi lagi ni mandaran an Ma didina Alo magina. Hina wani, an mba ni sud’ugi woi abo magi suma djangûna pet.

Wana ni mbaktumba hi Job-pa 37:24

Ni kayam ndata ba, suma a nga lum mandaramu. Wani nga mi djib’er yam suma a nga yi tazi ala azi ni suma ned’a na d’i.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Ma tchi wala 5:7

Le ang we a nga djop vun suma houd’a kur ambasa, d’oze a nga ka sariya d’a ata yat tuo d’a, le azi ar zla d’a gagazid’a woyo ni, ang le atchap pi. Kayam sama a tinim ngolina, nga mi gol ma ad’um kä na, suma ding suma a tinizi ngola kalazi azina a nga d’ei.

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Matiye 10:26

Jesus mi had’azi kua ala: Ar agi lagi mandara suma d’i, kayam vama nga ngeid’a kä ma a mba ba bei ndum mbei pid’a’â nga d’i, d’oze vama nga gumun kä ma a mba ba bei wuma nga d’uo mi.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Jean 5:29

a mba buzuk keyo. Suma a le djivid’ina a mba tchol akulo á i kur arid’a, suma a le tchod’ina a mba tchol akulo á i kur sariyad’a mi.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Hebre-na 10:31

Ni vama mandar ma ngolâ á ndabo Alo ma arina.

Hebre-na 11:35

Ni yam he gagazid’a ba, arop suma sum mazina a bona, Alona mi tcholozizi akulo aduk suma matna karid’a. A tchi suma dingâ ni ki djop vuna, kayam azi min prut tazi d’i, kayam azi min á fe lovota á tchol akulo aduk suma matna ki tchol la djivi d’a kala.

Jacques 4:12

Alona tu ni ma tin gatina, ni ma ka sariyad’a mi. Mam tu ni ma ndak á sut sumina, ni ma b’lak sumina mi. Angî nge ba, ang ka sariyad’a yam ndrangâ ge?

1 Pierre 3:14

Wani le agi nga fagi ndaka yam d’ingêra ni, agi lagi furîd’a ngola. Ar agi lagi mandarâ abo suma d’i, ar vunadigagi d’i pat tuo mi,

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.