Matiye 1:19 - Bible azumeina

¹⁹ Ndjuvut Josef ni sama d’ingêrâ, mi min ala mi mbud’ut zulona d’i, mi djib’er kurum ala mi bud’ut ni ki ngeid’a.

Matiye 1:19 ပူးပေါင်းရင်းမြစ်များ

Ad’u Tinda 38:24

Bugol til ma hindina a mba de mi Juda ala: Akunonga Tamar ti mbut wa gaulangâ. Gola! Ti ge wa wirâ ki gaulang matna. Juda mi dazi ala: Agi it abagei kel ngalat teyo.

Ad’u Tinda 6:9

Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona.

Sunda hi suma hi Levi-nid’a 19:20

Le sana mi bur ki magom mba sana mi kat mi he nga va kat tuo mi vat nga avo d’uo tua d’a ni, ar a gad’aziya. Wani a tchazi d’i, kayam ndat nga ni kur magomba tua.

Sunda hi suma hi Levi-nid’a 20:10

Le sana mi le mizeuna katchad’a hi ndramid’a ni, mandjufâ katcha ndata djak, a tchazi woyo.

Marik 10:4

A dum ala: Moise mi ar lovota mi sana ala mi b’ir mbaktum mba wal kamambid’a, mi digit tei mi.

Marik 6:20

kayam Herot nga mi le mandara Jean, kayam mi wumu, ni sama d’ingêrâ, ni ma yed’etna mi. Mi ngomom djivid’a. Ata yima Herot mi hum zla mambina, nga mi djib’er kat ngola, nga mi humum ki furîd’a mi.

Wana ni Zla d’a Djivi d’a Luc mi b’irita 2:25

Sana mi nga Jerusalem, simiyêm ala Simeon. Mam mi sama d’ingêrâ, ni ma nga mi ring mandar Alona, nga mi djup Ma sut Israel-lîna. Muzuk ma bei tchod’a ba na, mi nga ki sed’emu,

Sunda hi suma a sunuzinid’a 10:22

Azi dum ala: Kornei ma azigarâ abom kis ma Romê-na mi sunumï ni mamu, ni sama d’ingêr ma nga mi le mandara Alonina, ni ma Juif-fâ pet a nga le glangâs ma djivina kama. Alona mi sun malaika mama, mi hum vuna á yangî avo hatam á hum zla d’a avunanga.

Sunda hi suma a sunuzinid’a 27:39

Kid’a yina mi fo dad’a, suma djang batod’a a we nga andagad’a d’i, wani azi we hor ra dinga avun lesâ. Azi djib’er ala le ndaga ni, azi i tin batod’a kua.

2 Korente-na 1:15

Kayam ndata, an tin wa hurun ala an mba ni iza avok hatagi tua, kayam agi fagi djivid’a yagi á mbàd’a.

Gat ta a hat á mbàd’id’a 22:20

Wani le zla ndata ni zla d’a irata, le gor atcha ndata a fat nga gor atchad’a d’uo ni,