Marik 9:50 - Bible azumeina

⁵⁰ Ndjuvuna ni vama djivina, wani le ayâm mi pat teyo ni, ni ki me ba, a mba minim ki blangâma kamas ke? Agi mbud’ugi ni d’igi ndjuvuna na, agi kagagi ki halasa aduk tagiya.

Marik 9:50 ပူးပေါင်းရင်းမြစ်များ

Wana ni mbaktumba hi Job-pa 6:6

Vama mbed’ema sana ndak á tum bei ndjuvuna zu? Asena yam ma krovo ma hapma, mi tadjib’eta zu?

Sawal la giled’a 133:1

Ni sawala hi David ta suma a djak Jerusalem á lü vun tilîna a hlata. Wana ni vama djivi ma le suma tazi djivid’a heî na: Ar b’oziyod’a a kak zlapa tu.

Sawal la giled’a 34:14

Ar mi d’el sinam á de zla d’a tchod’a, ar mi d’el vunam á lop suma mi;

Ezekiyel 43:24

ang mbazi avoron an Ma didina. Suma ngat buzuna a ngad’aziya, a tchuk ndjuvuna kaziya, a hazi he d’a hawa d’a ngala mi an Ma didina.

Matiye 5:13

Jesus mi had’azi kua ala: Agi ni d’igi ndjuvuna hi suma yam andagad’ina na. Le ndjuvuna ayâm pat teyo ni, a mba minim ni ki me ge? Mi ndak á le va d’i, wani a komzi ni woyo; suma a mba mired’em kä kaseziya.

Marik 9:34

Wani a seng silil, kayam me a tchi tazi tuguyod’a kur lovota ala sama ngol ma adigazina ni nge ge?

Marik 9:49

Kayam suma pet a mba gozozi kakud’a d’igi a gos ndjuvuna na.

Romê-na 12:18

Le agi ndagagiya ni, agi kagagi ki b’leng nga halasa ki suma pet.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

Kolos-sâ 4:6

Ar zla d’a djivid’a ndavunagi teteu á le suma tazi djivid’a d’igi ndjuvuna na, kayam agi wagi lovota á hulong zla d’a ded’a mi sama lara ge pet.

1 Tasaloni’â 5:13

Ar agi hazi ngola, ar agi lagi od’a kazi yam sun mazi d’a azi nga lata, agi kagagi ki b’leng nga halasa aduk tagi mi.

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Jacques 1:20

kayam ayîna hi sanina nga mi le vama d’ingêrâ avok Alona d’i.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.