Marik 14:72 - Bible azumeina

⁷² Ata yi máma na wat, ahle’â mi hel hel la mbàd’a. Wani Pierre mi djib’er yam zla d’a Jesus mi dumzid’a ala: Bei ahle’â mi hel hel la mbàd’a, ang mba tin vunang kan yang hindi ala ang wan nga d’uo d’a. Kayam ndata, Pierre mi nde tchina.

Marik 14:72 ပူးပေါင်းရင်းမြစ်များ

2 Samuel 24:10

David mi we tcho mamba kayam ndum mba mi ndum sumid’a, mi de mi Ma didina ala: Kid’a an le hina d’a, an le ni tcho d’a ngola! Ki tchetchemba, Ma didina, ang vat hurung ngei yam tchod’a hi an azong mangîd’a, kayam an le ni sun nda lilid’a.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 36:31

Ata yi máma agi mba djib’eregi yam tit magid’a ki sun magi d’a ata yat tuo d’a, agi mba gologi tagi ni vama ndjendjed’a yam tchila magid’a ki sun magi d’a ndjendje d’a agi lat adjeud’a.

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Matiye 26:34

Jesus mi hulong dum ala: Gagazi, an nga ni dangû, kur andjege d’a inid’a bei ahle’â mi hela, ang mba tin vunang kan tata yang hindi ala ang wan nga d’i.

Marik 14:30

Jesus mi hulong dum ala: Gagazi, an nga ni dangû, kur andjege d’a inid’a, bei ahle’â mi hel hel la mbàd’a tua d’a, ang mba tin vunang kan tata yang hindi ala ang wan nga d’i.

Marik 14:68

Wani mi tin vunam mi dat ala: An we nga vama ndak duma d’i, an hum nga d’uo mi. Mi nde woi i vun agre’â; ahle’â mi hela.

Marik 14:71

Wani mi nde yahlena kamu, mi gun tam ala: An we nga sama agi nga dagi kama d’i.

Wana ni Zla d’a Djivi d’a Luc mi b’irita 22:60

Wani Pierre mi dum ala: An we nga vama ang nga duma d’i. Kid’a mam nga mi de zla ndata tua d’a, ata yi máma na wat, ahle’â mi hela.

Wana ni Zla d’a Djivi d’a Luc mi b’irita 22:62

Mi ndabua, nga mi hlizlik tchina ngingik.

2 Korente-na 7:10

Kayam zal hur ma tcholï ata Alonina nga mi mbut sana hurum á fe suta. Sut ndata, zal hurâ mi nga kua d’i, wani zal hurâ hi duniyad’ina mi ingî kur matna.