Wana ni Zla d’a Djivi d’a Luc mi b’irita 11:13 - Bible azumeina

¹³ Le agi suma tchona agi wagi á hahle suma djivina mi grogina ni, na ni Abugi ma sä akulona mba mi he Muzuk mam ma bei tchod’a ba na mi suma a nga tchenema kal luo zu?

Wana ni Zla d’a Djivi d’a Luc mi b’irita 11:13 ပူးပေါင်းရင်းမြစ်များ

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

Sawal la giled’a 51:5

Kayam an we tchila manda, an nga ni djib’er yam tcho manda teteu.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Isai 49:15

Ma didina mi hulongôt humba ala: Na ni atchad’a ti mar yam gorot ma ndat nga d’i hum aponina zu? Ti we hohowa gorot ma ndeï kurutna d’uo zu? Le ti mar kam pî, an mba ni mar kak ki.

Ezekiyel 36:27

An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi.

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Matiye 5:45

Hina wani, agi mba mbud’ugi nAbugi ma sä akulona groma, kayam nga mi deî afata yam suma tchona, yam suma djivina mi, nga mi se alona yam suma djivina, yam suma tchona mi.

Matiye 6:14

Le agi vad’agi hurugi woi yam tcho d’a suma a nga lagizid’a ni, Abugi ma sä akulona mba mi vat hurum mbei yam tcho magid’a mi.

Matiye 6:30

Le Alona nga mi tchuk baru ma djivina masu ma ini ndjivin a mba tchugum kur gring ma akud’ina na ni, mba mi tchugugi baruna atagi kal luo zu? Agi ni suma he gagazi magid’a akid’eid’ina.

Matiye 6:32

Kayam ahle ndazina pet, andjaf suma bei wAlona a nga miniziya. Wani Abugi ma sä akulona mi wala agi nga minigi ahle ndazina mi.

Matiye 7:11

Le agi suma tchona agi wagi á hahle suma djivina mi grogina na ni, Abugi ma sä akulona mba mi hahle suma djivina mi suma a nga tchenema kal luo zu?

Wana ni Zla d’a Djivi d’a Luc mi b’irita 11:12

D’oze le mi tchenem asena ni, mba mi hum hurd’ud’a zu?

Wana ni Zla d’a Djivi d’a Luc mi b’irita 11:2

Jesus mi dazi ala: Le agi tchenegiya ni, agi dagi ala: Abumiya, ar suma pet á suburung simiyêngû. Ar ang mba á te leu manga yam andagad’a.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Sunda hi suma a sunuzinid’a 2:38

Pierre mi dazi ala: Agi mbud’ugi hurugi yam tcho magid’a, nge nge pî adigagi mi le batemba ki simiyê Jesus Christ, kayam Alona mi vat hurum mbei yam tcho magid’a. Hina wani, Alona mba mi hagi Muzuk ma bei tchod’a ba na hawa.

Romê-na 5:17

Wani le ni yam tchilad’a hi sama tunid’a ba, matna mi te yam suma ped’u ni, kal pet suma Alona mi vazi sumad’a ngola ki he d’a hawa d’a d’ingêrina a mba te leud’a karid’a yam sama tu ma a yum ala Jesus Christ-sâ kal luo zu?

Romê-na 7:18

An wala vama djivi mi nga kurun ndi, nala, kur sa man ma adjeuna. Wani le an min á le djivi d’a nga kurunda pî, an ndak á lat ti.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.