Kolos-sâ 4:6 - Bible azumeina

⁶ Ar zla d’a djivid’a ndavunagi teteu á le suma tazi djivid’a d’igi ndjuvuna na, kayam agi wagi lovota á hulong zla d’a ded’a mi sama lara ge pet.

Kolos-sâ 4:6 ပူးပေါင်းရင်းမြစ်များ

1 Sunda Hamuleinid’a 16:24

Agi dagi woi yam subur mamba avok andjaf suma pet, agi tagagi sun mam mba ndandala woi avok suma pet mi.

Sawal la giled’a 105:2

Agi hlagizi sawala, agi gilem ki sawala, agi dagi woi yam sun mam mba ndandala mi.

Sawal la giled’a 119:13

Nga hur mang ma ndeï avunangâ, an mba ni ndumum mbei ki vunan tutu pet.

Sawal la giled’a 119:46

An mba ni le glangâsâ woi yam vun mang ma hed’a avok amuleina; zulona mba mi lan nduo mi.

Sawal la giled’a 45:2

Hurun nga oîd’a ki zla d’a djivid’a. An nga ni dala: Sun man nda an nga ni lata ná subur amulâ! Ar sinan ka’î d’igi sama d’al ma b’ir djivid’a heîna na!

Sawal la giled’a 66:16

Agi suma pet suma lagi mandara Alonina, agi mbeyegiya, agi humugiya; an mba ni dagi yam ahle suma mi lazi kana.

Zla d’a d’ogolâ 10:21

Zla d’a ndavun sama d’ingêrîd’a nga d’i tak lovota mi suma ablaud’a, wani suma lilid’a a nga bo ni yam bei we mazid’a.

Zla d’a d’ogolâ 15:4

Zla d’a djivi d’a ndavun sanid’a nagu ma harid’ina, wani zla d’a ata yat tuo d’a ndavun sanid’a ti b’la’î hur sana.

Zla d’a d’ogolâ 15:7

Zla d’a ti ndavun suma ned’id’a ti ya’î wed’a, wani suma lilid’a djib’er mazid’a ti nga hina d’i.

Ma tchi wala 10:12

Zla d’a ti ndavun sama ned’id’a, ti suburumî subura, wani zla d’a ti ndavun sama lilid’id’a, ti mbud’umî zulona.

Ezekiyel 43:24

ang mbazi avoron an Ma didina. Suma ngat buzuna a ngad’aziya, a tchuk ndjuvuna kaziya, a hazi he d’a hawa d’a ngala mi an Ma didina.

Sunda hi suma hi Levi-nid’a 2:13

He d’a hawa d’a afut ta lara pî, ang ar bei tchuk ndjuvuna kua d’i, kayam ndjuvuna ni vama taka yam vun ma djin ma an Alo mangâ ni djinim ki sed’engâ. Kayam ndata, ang tchuk ndjuvuna kua teteu.

Matiye 5:13

Jesus mi had’azi kua ala: Agi ni d’igi ndjuvuna hi suma yam andagad’ina na. Le ndjuvuna ayâm pat teyo ni, a mba minim ni ki me ge? Mi ndak á le va d’i, wani a komzi ni woyo; suma a mba mired’em kä kaseziya.

Marik 9:50

Ndjuvuna ni vama djivina, wani le ayâm mi pat teyo ni, ni ki me ba, a mba minim ki blangâma kamas ke? Agi mbud’ugi ni d’igi ndjuvuna na, agi kagagi ki halasa aduk tagiya.

Wana ni Zla d’a Djivi d’a Luc mi b’irita 4:22

Azi pet tazi lazi djivid’a kamu, a le atchap yam zla d’a suma d’a nga d’i ndavunamba, a dala: Mam mi Josef goroma d’uo zu?

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Gat ta a hat á mbàd’id’a 11:19

Agi mba had’agizi mi grogina, agi mba dagizi zlazi woi ata yima agi mba kagagi kä avo hur aziyagina, ata yima agi mba tchologi á igi akoid’ina, ata yima agi mba burugi kä na, ata yima agi mba tchologi akulona mi.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

1 Pierre 3:15

wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama,