Kolos-sâ 2:20 - Bible azumeina

²⁰ Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala:

Kolos-sâ 2:20 ပူးပေါင်းရင်းမြစ်များ

Jean 15:19

Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya.

2 Korente-na 10:3

Le ami nga tid’imi ni d’igi suma bei he gagazid’ina na pî, ami nga durumi ayîna d’igi sum ndazina na d’i.

Galat-na 4:3

Ei ni hina mi. Kid’a ei ni gugureina tua d’a, ei ni magumeina hahle suma yam andagad’ina.

Galat-na 6:14

Wani an nga ni subur tan yam vama ding ngi. An subur tan ni yam agu ma b’ala hi Salad’a Jesus Christ-sâ hol. Ni kayam agu mam ma b’ala ba, an mit tei ata duniyad’a, duniyad’a ti mit tei atan mi.

Efes-sâ 2:15

Mi pleî gata hi Juif-fîd’a ki vun ma he máma woyo, kayam andjaf suma mbà ndazina a mbut sama awilina zlapa tu ki mamu. Ata yi máma, halasa mba adigaziya.

Kolos-sâ 2:14

Mi tchi b’ira hi gat ta vei ki zla d’a ti kak djangûna ki sed’eid’a woyo. Mi tchat tei ni ki b’al mam mba akulo ata agunid’a.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

Kolos-sâ 2:21

Ang hle d’i, ang djuk ki, ang do d’uo mi d’a ge?

Kolos-sâ 2:8

Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i.

Kolos-sâ 3:3

kayam agi bogi wa woyo, ari magid’a sä ngeid’a zlapa tu ki Christ abo Alona.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.