Wana ni mbaktumba hi Job-pa 7:20 - Bible azumeina

²⁰ Ang ma ngom sumina, le an le tchod’a ni, an ndaga ni lang me ge? Ni kayam me ba, ang mbud’un va ma ang d’ingêrem á dur kahlenina ge? Ni kayam me ba, an mbut va ma ane’â yam an tanda ge?

Wana ni mbaktumba hi Job-pa 7:20 ပူးပေါင်းရင်းမြစ်များ

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

Wana ni mbaktumba hi Job-pa 10:14

Le an le tchod’a ni, ang wan wa, hurung nga vat tei yam tcho manda d’i.

Wana ni mbaktumba hi Job-pa 10:2

An mba ni de mAlona ala: Ang kan sariyad’a kan ndi, ang dan ad’u vama ang kak djangûna ki sed’en kama.

Wana ni mbaktumba hi Job-pa 10:6

tala ang hal ad’u tchila manda, d’oze ang fek ad’u tcho manda d’a zu?

Wana ni mbaktumba hi Job-pa 13:26

Kayam ang b’ir zla d’a asa’ata kä kan á kak djangûna ki sed’enu, ang nga ndumun tchila man nda kazongôn deid’a kanu.

Wana ni mbaktumba hi Job-pa 14:16

Ki tchetchemba, ang nga ndumun asen ma tita, wani ang mba tin irang yam tcho manda d’i.

Wana ni mbaktumba hi Job-pa 22:5

Hawa yak! Ni kayam tcho mang nga ngol la ang lata d’uo zu? Ni kayam tchila mang nga ang nga tchila avogovoka mi d’uo zu?

Wana ni mbaktumba hi Job-pa 3:24

Zam tad’a ti mbut navu man ma ted’a, tchi mana nga mi djang kä d’igi mbina na.

Wana ni mbaktumba hi Job-pa 31:33

An ngei nga yam tcho manda kä d’igi suma petna a nga le na, d’oze an ngei nga tcho manda kä kurun nduo mi.

Wana ni mbaktumba hi Job-pa 33:27

Nga mi hle sawala avok suma, nga mi dala: An le tchod’a, an tchila yam lovot ta d’ingêra, wani mi ngobon nga d’igi ndak kan á ngopa hina d’i.

Wana ni mbaktumba hi Job-pa 33:9

An ni ma yed’etna, an tchila nga d’i, zla nga kan ndi, tcho nga kurun nduo mi.

Wana ni mbaktumba hi Job-pa 35:6

Le ang le tchod’a ni, ni tcho me ba, ang mba lat ata Alona ge? Le ang nga i avogovok kur tcho d’a led’a ni, ang mba lumî me mi ge?

Wana ni mbaktumba hi Job-pa 6:4

Kayam Ma ad’engêm kal petna mi tchogon ki yeû mamba, muzugan mi tchat ayâd’u. Ahle suma Alona sunuzi á mbut sana mandarîna, a gabozi woi kan á durun ayîna.

Sawal la giled’a 21:12

Azi ndjak vunazi á lang tchod’a, azi nga huruzi á lang zla d’a tchod’a. Hina pî, azi mba ndak ki.

Sawal la giled’a 36:6

Ma didina, o mang nga didinda ti i akulo gak tcha hur alona, d’engzeng manga ti i akulo gak yam d’ugula.

Sawal la giled’a 80:4

Alo mamina, ang tinimi blangâmina, ang mbud’ï irang kiramiya. Hina wani, ami mba sud’umiya.

Hor ma tchina 3:12

Mi ndir yeû mamba, mi tinin d’igi va mam ma mi d’ingêrem á yetina na.