Wana ni mbaktumba hi Job-pa 41:10 - Bible azumeina

¹⁰ Sin akud’a nga d’i buzuk kei avunamu, aku d’a munda nga d’i yak kei avunam tchutchum mi.

Wana ni mbaktumba hi Job-pa 41:10 ပူးပေါင်းရင်းမြစ်များ

Ad’u Tinda 49:9

Ang Juda gorona, angî d’igi azlo ma azong ma tcholï ata yima nduwandina na. Mi tchuk guguvam mi bur kä; sama mba mi tcholom akulo ni nge ge?

Wana ni mbaktumba hi Job-pa 3:8

Ar suma kuma suma yahlena yam burîna a yahlena yam andjege ndata! Ar suma a nga ki wed’a á zlit ambur ma ngol ma a yum ala Leviyatan-na akulona a yahlena kat mi!

Wana ni mbaktumba hi Job-pa 3:9

Ar ti we avevel ma yorogona d’i! Ar ti djup yima fod’a tatâ, wani ti fum mbi! Ar ti djup gak ti we yima grad’a ki irat tuo mi!

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Wana ni mbaktumba hi Job-pa 41:9

Ereseu mamba nga d’i b’o yina, iram nga d’i b’o d’igi yima fo ma yorogona na.

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Jeremi 12:5

Ma didina mi hulong dala: Le ang ring ki suma asemba ba, ang mba seî woyo ni, ni nana ba, ang mba nga tang kakulumeina ge? Le ang kak bei mandarâ ki halasa ni kur ambas sa halasa go ni, ni nana ba, ang mba ring aduk agu d’a avun Jurdê-d’a ge?

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 50:44

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Babilon-na, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Ndumba 24:9

A grif a bur kä d’igi azlona na d’igi azlod’a na mi. Ni nge ba, mba mi tcholozi akulo ge? B’e vuna nga yam sama b’e vuna kangâ, vun ma ged’a nga yam sama gang vunina mi.

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?