Wana ni mbaktumba hi Job-pa 38:28 - Bible azumeina

²⁸ Alo ma sed’a abum nga zu? Ni nge ba, mi vut tola hi mbad’ïd’id’a ge?

Wana ni mbaktumba hi Job-pa 38:28 ပူးပေါင်းရင်းမြစ်များ

Ad’u Tinda 27:28

Ar Alona mi ge mbad’ïd’a ei akulod’a hur asinengû, andagad’a ti wulung ahlena ngola, awuna ki guguzlud’a mi.

Ad’u Tinda 27:39

Isak mi hulong de mi goroma Esau ala: Ang mba ka’î woi dei kandaga d’a wul ahlena, mbad’ï d’a akulod’a mba d’i ge kua d’uo mi.

2 Samuel 1:21

Agi ahuniyô suma Gilbowa-na, ar mbad’ïd’a ti ge kagi d’oze mbiyo alona mi se kagi d’oze ar asine ma kagina mi wul awuna á he he d’a hawad’a d’uo mi, kayam ni kagi ba, mboriyona hi suma gangrangîna a tchuk kä, mbareid’a hi Saul-la ti nde kä ki irat fafat.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

Wana ni mbaktumba hi Job-pa 29:19

An mbut ni d’igi agu ma sideyem nga tchola aduk mbinina na, mbad’ïd’a mba d’i gan abon andjege mi.

Wana ni mbaktumba hi Job-pa 36:27

Nga mi tok mbina, nga mi mbud’um a mborogeid’a, nga mi sum alona mi.

Wana ni mbaktumba hi Job-pa 36:28

D’ugula nga d’i sumï kä yam andagad’a, nga mi se yam suma mi.

Wana ni mbaktumba hi Job-pa 38:8

Ni nge ba, mi duk vuna yam alum ma ngolâ ata yima nga mi buzuk kei abu ata yama ge?

Sawal la giled’a 147:8

Nga mi ka d’ugula akulo, nga mi hlalona á se yam andagad’a, nga mi deî asuna akulo yam ahuniyôna mi.

Zla d’a d’ogolâ 3:20

Ni ki we mamba ba, mbiyo ma nglo ma d’id’ilima vunam mal leyo, d’ugula ti lau woi ti se alona mi.

Jeremi 10:13

Ata yima mi he vunina, mbina nga mi tok kur akulod’a. D’ugula nga d’i tcholï avun dabid’a handagad’id’a teteng. Wiled’a nga d’i wile á salona, simetna nga mi buzugï woi ata yi mam ma ngei ahlena mi.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 5:24

A nga de kuruzi hina ala: Ar ei lei mandara Alo mei ma nga mi sei alo ma avo’â ki ma danana ata yama ma nga mi ngomei bur ma mi ngam á dutina d’i.

Wana ni mbaktumba hi Oze-d’a 14:5

An mba ni mbut kazi ni d’igi mbad’ïd’a na, azi mba b’o d’igi tamasa na, sideyezi mba mi sir kä d’igi agu ma Liban-na na mi.

Joel 2:23

Agi suma Siyon-na, agi lagi hur ma hapma, agi lagi furîd’a yam Ma didina Alo magina, kayam mam nga mi sagi alona ata yamu, nga mi sagi alo ma hod’ogeid’a kalo ma dabid’a d’igi avok deid’a na.

Amos 4:7

An d’elegi alo ma sed’a gak tilâ hindi tua ba, til ma duta ndaga. An se alona yam azì ma ngol ma dingâ, ni ar azì ma ngol ma dingâ hawa. An salona yam asine ma dingâ, ni ar bei salona yam asine ma dingâ mi so woyo.

Matiye 5:45

Hina wani, agi mba mbud’ugi nAbugi ma sä akulona groma, kayam nga mi deî afata yam suma tchona, yam suma djivina mi, nga mi se alona yam suma djivina, yam suma tchona mi.

Gat ta a hat á mbàd’id’a 33:13

Mi de yam andjafâ hi Josef-fâ ala: Ar Ma didina mi b’e vunam yam ambas mamba ki mbad’ï d’a djivi d’a kal tegles sa tcholï akulod’a, ki mbiyo ma lau ei kä kur zul la yiyikina,

Gat ta a hat á mbàd’id’a 33:28

Israel-lâ a kak ki halasa, andjafâ hi Jakob-ma mi nga ni kaka woi vam yam ambas sa nga d’i wul awuna ki guguzlud’a heîd’a, akulod’a nga d’i ge mbad’ïd’a kazi mi.