An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.
Ata yima mi he vunina, mbina nga mi tok kur akulod’a. D’ugula nga d’i tcholï avun dabid’a handagad’id’a teteng. Wiled’a nga d’i wile á salona, simetna nga mi buzugï woi ata yi mam ma ngei ahlena mi.
Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.
Agi tchenegi Ma didina kayam mi sagi alo ma hod’ogoid’a ata yamu. Mam ma nga mi mba ki babarîna, mba mi sagi alona ngola, mba mi d’uf asuna asine hi nge nge pî adigagiya.