Wana ni mbaktumba hi Job-pa 36:18 - Bible azumeina

¹⁸ Ar ayî mangâ mi ing kur lasa d’i, ar he d’a hawa d’a ngol la a hangzi gumunda ti pugung nguo mi.

Wana ni mbaktumba hi Job-pa 36:18 ပူးပေါင်းရင်းမြစ်များ

Wana ni mbaktumba hi Job-pa 33:24

Alona mba mi wum hohowomu, mba mi de mi malaikana ala: Ang prud’um mbeyo, aram mi nde kä kur zula d’i, kayam an fe wa vama wurak kama da’.

Wana ni mbaktumba hi Job-pa 36:19

Tchi mangâ kad’eng manga pet a ndak á prud’ung ngei abo pupuluka zu?

Sawal la giled’a 110:5

Salad’a mi nga ata bigang nga ndjufa, mba mi tchi amuleina woi kur bur ma mi ndeï ayî mama woina.

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Sawal la giled’a 2:5

Ata yi máma nga mi dazi zlad’a kayîna, nga mi mbud’uzi mandarâ kayî mam ma bibiliuna mi.

Sawal la giled’a 39:10

An kak mudjuk bei mal vunan ba, kayam ni ang ba, mban ahle ndazina kanu.

Isai 14:6

Kur ayî mama mi to suma to d’a bei ara ba d’a, mi te yam andjaf suma kur ayî mama, mi nga mi i avogovok bei sa mi d’elem ba mi.

Ezekiyel 24:16

Ang gor sana, gola! An nga ni hle vama ang hurung vum heîna woi atogo zak. Ang mba tchim horom mbi, ang mba tchi d’i, simina mba mi djang irang kä d’uo mi.

Jonas 4:4

Ma didina mi hulong dum ala: Hur mang ma zal máma nata yat tchu?

Jonas 4:9

Alona mi de mi Jonas ala: Hur mang ma zal ma yam terer ndatina nata yat tchu? Jonas mi hulong dum ala: Nata yad’u! An zal hurun gak matna!

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Romê-na 1:18

Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.