Wana ni mbaktumba hi Job-pa 33:27 - Bible azumeina

²⁷ Nga mi hle sawala avok suma, nga mi dala: An le tchod’a, an tchila yam lovot ta d’ingêra, wani mi ngobon nga d’igi ndak kan á ngopa hina d’i.

Wana ni mbaktumba hi Job-pa 33:27 ပူးပေါင်းရင်းမြစ်များ

Ad’u Tinda 16:13

Agar ri djop tat ala: Gagazi, na ni an we ni Mam ma nga mi wana zu? Ti yi simiyê Ma didin ma dat zlad’ina ala Angî El-Royi, Alo ma nga mi wana.

2 Samuel 12:13

David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

Wana ni mbaktumba hi Job-pa 34:32

ang tagan vama an wum nga d’uo na, an le sun nda ata yat tuo d’a, an dok ni le bugol luo d’a.

Wana ni mbaktumba hi Job-pa 34:9

Kayam mi dala: Le sana mi le sun nda lAlona tam djivid’id’a ni, nga mi fe va kua d’i.

Wana ni mbaktumba hi Job-pa 7:20

Ang ma ngom sumina, le an le tchod’a ni, an ndaga ni lang me ge? Ni kayam me ba, ang mbud’un va ma ang d’ingêrem á dur kahlenina ge? Ni kayam me ba, an mbut va ma ane’â yam an tanda ge?

Sawal la giled’a 103:10

Ni ma nga mi toi yam tcho meid’a d’uo na, ni ma nga mi wuragei yam tchila meid’a d’uo na mi.

Sawal la giled’a 11:4

Ma didina mi nga kaka kur gong mam mba kud’ora; zlam mam mba amula sä tinda akulo. Mi nga mi gol suma yam andagad’ina, mi nga mi wahle suma azi nga lazina.

Sawal la giled’a 119:128

An gol gat manga pet ni d’ingêr. Ni kayam ndat ba, an nga ni noî zla d’a kad’a woi pet wana.

Sawal la giled’a 14:2

Ma didin ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Zla d’a d’ogolâ 15:3

Ma didina iram nga ata yina pet á gol suma asa’atna ki suma djivina mi.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Zla d’a d’ogolâ 5:21

Kayam Ma didina iram nga tinda yam tita hi sumid’a pet, nga mi gol sun mazid’a pet mi.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Ezekiyel 14:23

Fata agi golozi tit mazid’a ki sun mazi led’id’a, hurugi mba mi b’lengâ, agi mba wagi ala ahle suma an mbazi yam Jerusalem petna ni hawa d’i. An Salad’a Ma didina ni de na.

Ndumba 12:11

Aron mi de mi Moise ala: Salana, an nga ni tchenengû, ang ar aneka hi tcho d’a ami lat ir lilid’a ndata kami d’i, kayam ami lami tchod’a.

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Wana ni Zla d’a Djivi d’a Luc mi b’irita 18:13

Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Romê-na 6:21

Adjeu agi fagi ni me ata yima agi nga lagi sunda, agi nga lagi zulona kat ki tchetchembid’a ge? Kayam dabid’a hi sun ndatid’a ni matna.

Romê-na 7:16

Wani le an le vama an minim mbuo na ni, an wala gata ni djivid’a.

Romê-na 7:22

An tan nga ni le furîd’a kurun krovo yam gata hAlonid’a.