Wana ni mbaktumba hi Job-pa 31:4 - Bible azumeina

⁴ NAlona ba, nga mi golon lovot manda, mi nga mi ndumun asen ma tita mi d’uo zu?

Wana ni mbaktumba hi Job-pa 31:4 ပူးပေါင်းရင်းမြစ်များ

Ad’u Tinda 16:13

Agar ri djop tat ala: Gagazi, na ni an we ni Mam ma nga mi wana zu? Ti yi simiyê Ma didin ma dat zlad’ina ala Angî El-Royi, Alo ma nga mi wana.

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

Wana ni mbaktumba hi Job-pa 11:11

Kayam suma ka zlad’a, mam waziya, nga mi we sun nda ata yat tuo d’a azi nga lata atogo zak mi.

Wana ni mbaktumba hi Job-pa 14:16

Ki tchetchemba, ang nga ndumun asen ma tita, wani ang mba tin irang yam tcho manda d’i.

Wana ni mbaktumba hi Job-pa 23:10

Wani mam we lovot ta an nga ni tit kuad’a. Fata mi kugunda, an mba ni nde woi yed’et d’igi lora na.

Wana ni mbaktumba hi Job-pa 24:23

Mi nga mi hazi yima kak ma halasâ ki hur ma tinda, mi nga mi tin iram yam lovot mazid’a mi.

Wana ni mbaktumba hi Job-pa 28:24

Ni mam ba, nga mi we gak avun dabid’a handagad’id’a, mi nga mi wahle suma kä ad’u akulod’ina pet mi.

Wana ni mbaktumba hi Job-pa 31:37

An mba ni ndumum ablaud’a hasen ma titid’a tutu pet, an mba ni hut gevem go d’igi sama ngolâ na.

Wana ni mbaktumba hi Job-pa 34:21

kayam Alona iram nga tinda yam tita hi sanid’a, nga mi golom asem ma tita pet mi.

Wana ni mbaktumba hi Job-pa 36:7

Nga mi hle iram mbei yam suma d’ingêrâ d’i, nga mi tinizi amula zlapa kamuleina, mi tinizi á kak didin tala a subur taziya d’a.

Sawal la giled’a 44:21

Le ami marami ang Alo mamina woyo, le ami mbud’umi irami ata alo ma dingâ ni,

Zla d’a d’ogolâ 15:3

Ma didina iram nga ata yina pet á gol suma asa’atna ki suma djivina mi.

Zla d’a d’ogolâ 5:21

Kayam Ma didina iram nga tinda yam tita hi sumid’a pet, nga mi gol sun mazid’a pet mi.

Jeremi 16:17

Kayam iran nga tinda yam tit mazid’a, ti nga ngeid’a iran ndi, tchila mazid’a nga vita iran nduo mi.

Jeremi 32:19

Angî ma ngolâ kur d’alâ, ma ad’engâ kur sunda mi. Ang irang nga tinda yam tita hi sumid’a á wurak nge nge pî yam tit mamba, yam sun mam mba mi lata mi.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Jean 1:48

Natanayel mi djobom ala: Ang wan ni lara ge? Jesus mi dum ala: Avok ka bei Filip mi yanga, kid’a ang nga ad’u tuluma tua d’a, an wangû.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.