Wana ni mbaktumba hi Job-pa 31:39 - Bible azumeina

³⁹ le an ni tum vud’um bei ni wuragaziya, le an b’lak hur salama ni,

Wana ni mbaktumba hi Job-pa 31:39 ပူးပေါင်းရင်းမြစ်များ

Ad’u Tinda 4:12

Fata ang zum andagad’id’a, ndat mba d’i wulung ahlena d’i. Ang mba talal yam andagad’a, ang mba tcha ta’ abo hî, tcha ta’ abo hî!

1 Amuleina 21:19

Ang i dum ala: Wana ni vama Ma didina mi duma. Mi dala: Ang tchi sana mi na, ni nana ba, ang yom ahle mama djona ge? Ang dum kua ala: Gola! Ma didina mi dang kua ala: Ata yima adureina a trâ buzuna hi Nabot kuana, nata yi máma ba, a mba trâng buzuwang ang kua mi.

Wana ni mbaktumba hi Job-pa 24:10

Suma houd’a a nga arazi a tit gandila bei baruna ataziya, a nga zi mbugulud’a hawunid’a, wan pî meid’a nga tchaziya.

Wana ni mbaktumba hi Job-pa 24:6

A nga ngat hat ma ar hur asinenina, a nga tchi hele guguzlud’a hi suma asa’atnid’a mi.

Zla d’a d’ogolâ 1:19

Wana ni lovota hi sama nga ki d’od’oka ngola á fe bege d’a ata yat tuo d’ina. D’od’ok mamba mba d’i bamî mam tamba woyo.

Isai 26:21

Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Jeremi 22:13

Ni zla d’a hohoud’a yam sama mi min aziyam ki bege d’a mbut ira ma nga mi min gongîyona yam tazi akulo kulo ki lovod’ot tuo ma nga mi ar ndrama mi lum sunda hawa bei mi wuragam bege mambina.

Ezekiyel 22:6

Gola! Suma nglo suma Israel suma kurungâ pet nge nge pî nga mi dap ad’engêm mbei á tchi matna.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.