Wana ni mbaktumba hi Job-pa 27:20 - Bible azumeina

²⁰ Mandarâ mba mi vum atogo d’igi mbiyo ma kusa na, mbirlimba mba d’i hlum andjege dangâla.

Wana ni mbaktumba hi Job-pa 27:20 ပူးပေါင်းရင်းမြစ်များ

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Wana ni mbaktumba hi Job-pa 15:21

Siwel la nga d’i mbut suma mandarid’a, nga d’i siwel humamu, ata yima b’leng nga halasa nga na, ma b’lak yina nga mi mba kamu.

Wana ni mbaktumba hi Job-pa 18:11

Ahlena a mba pad’am vunadigam ata yina pet, a mba digim ad’um mi.

Wana ni mbaktumba hi Job-pa 20:23

Ata yima mi min tam á hop hayama, Alona mba mi mba kayî mam ma bibiliuna kamu, mba mi sumzi kam kä á mbut te mama.

Wana ni mbaktumba hi Job-pa 20:8

Mam mba mi pir d’igi adï d’a ded’a na, a mba fum bugol luo d’a, a mba digim d’igi vama nde tam irang andjegena na.

Wana ni mbaktumba hi Job-pa 21:18

Tala azi mbut d’igi hububu ma simetna nga mi felema na, d’oze d’igi ahlapma mbirlimba nga d’i felema na d’a ge?

Wana ni mbaktumba hi Job-pa 22:16

Azi ni suma a yozi woi avok bei yi mazina ndak ba d’igi mbiyo ma kusa mi to azina kä woi na na.

Wana ni mbaktumba hi Job-pa 24:18

Wani agi nga dagi ala: Sama asa’atna mba mi dol lei d’igi vama dol akulo yam mbinina na, suma kur ambasina a gum yi mam ma kaka vuna. Mam mba mi hle lovota á i ata yima guguzlud’a bugol luo d’a.

Wana ni mbaktumba hi Job-pa 34:20

Atogo hina zak a nga bo woyo, andjege dangâla andjaf suma a nga zlaga, a ba woyo. Alona nga mi hle sama ad’engâ woi bei sa mi tin abom atam ba,

Sawal la giled’a 18:4

An nga ni gile Ma didina, kayam me ata yima an yuma mi sud’un ndei abo man suma djangûna.

Sawal la giled’a 42:7

Alo mana, an mbut wa hohoud’a. Kayam ndata, ata yi ma an nga ata yima alum ma Jurdê-na tinï ad’ud’a djangâ kua yam ahina d’a Hermon-nda kahina d’a Misar-rina, an nga ni djib’er kangû.

Sawal la giled’a 83:16

Ang digizi ki simet mang ma ngolâ, ang mbud’uzi mandarâ ki babar mang ma ngol ma kal papana mi.

Sawal la giled’a 90:5

Ang nga kal suma woi d’igi mbiyo ma kus ma nga mi kal ahlena woina na, d’igi adï d’a de sana andjeged’a na. A ni d’igi asuna mi deî na.

Buzuk ka Abud’a 12:29

Kur andjege d’a dangâlad’a, Ma didina mi tchi gro suma Ezipte suma a vud’uzi avo’â woi pepet, tinï ad’ud’a ni yam Faron ma nga kaka yam zlam mam mba amulina gorom ma ngolâ gak mba yam magom ma nga kur dangeinina gorom ma ngolâ, gak mba yam d’uwarâ grozi suma a vud’uzi avo’â pepet mi.

Daniel 5:30

Kur andjege ndata, a tchi Baltazar amul ma Babilon-na woyo.

Jonas 2:3

Mi dala: Ma didina, kur ndak manda an yangû; ang hulongôn humba. Ata yima azuleina an yang ala ang ndjununu, ang humun delenu.