Wana ni mbaktumba hi Job-pa 10:15 - Bible azumeina

¹⁵ Le zlad’a vanu ni, ni zla d’a hohoud’a kanu! Le an ni sama bei zlad’a kana ni, an ndak á hle yan akulo d’i. Abo zulo ma tok kana, an ka guruta woi abo ndak manda mi.

Wana ni mbaktumba hi Job-pa 10:15 ပူးပေါင်းရင်းမြစ်များ

Wana ni mbaktumba hi Job-pa 10:7

Ang we tetet ala zla nga kan ndi, sama mi prud’un ndei abongâ nga d’uo mi.

Wana ni mbaktumba hi Job-pa 21:6

Ata yima an nga ni djib’er yam ahle suma a mba kana, vunadigan pat fek, an nga ni zlak mi.

Wana ni mbaktumba hi Job-pa 23:15

Ni kayam ndata ba, vunadigan ndi pat avoromu; ata yima an djib’er kama, an nga ni lum mandaramu.

Wana ni mbaktumba hi Job-pa 27:7

Ar man ma djangûna, mi mbut sama asa’atna! Ar ma tchol huneîd’a ki sed’ena, mi mbut sama batrangâ!

Wana ni mbaktumba hi Job-pa 6:29

An nga ni tchenegiya, agi hulongôgïya, agi lagi sun nda ata yat tuo d’a d’i; agi hulongôgïya, zla manda ni zla d’a irata.

Wana ni mbaktumba hi Job-pa 9:12

Ni nge ba, mba mi hulong ve vama mam hluma ge? Ni nge ba, mi dum ala: Ang le na ni me ge ge?

Wana ni mbaktumba hi Job-pa 9:15

Le an mbut ni ma d’ingêrâ pî, an ndak á hulongôm zla d’a ded’a d’i. An mba ni tchen ni man ma ka sariyad’a ba, mi wan hohowonu.

Wana ni mbaktumba hi Job-pa 9:29

Ni an ba, zlad’a mba d’i vanu! Ni kayam me ba, an kau tan hawa hina yak ke?

Sawal la giled’a 119:153

Ang wan ndak manda, ang prud’un ndeyo, kayam an mar nga yam gat manga d’i.

Sawal la giled’a 25:18

Ang wan hohou manda ki ndak manda, ang vat hurung ngei yam tcho manda pet.

Sawal la giled’a 44:16

Burâ ki burâ zulona nga mi lanu, zulona nga mi tchan mi,

Sawal la giled’a 83:16

Ang digizi ki simet mang ma ngolâ, ang mbud’uzi mandarâ ki babar mang ma ngol ma kal papana mi.

Sawal la giled’a 9:17

Ma didina mi tak tam mbeyo, mi ka sariya d’a d’ingêra; sama asa’atna nga mi ve tam ki dau ma mam tam gunuma. Tchol ndjö

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Hor ma tchina 1:20

Ma didina, gola, an nga kur ndaka! Aruwad’an nga mi mbuzuk kurun dudu, hurun mi b’lak kurun krovo, kayam an ni sama so vuna gagazi. Mbigeu d’a fiyaka nga d’i tchi suma woi abua, matna nga mi tchi suma krovo mi.

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Wana ni Zla d’a Djivi d’a Luc mi b’irita 17:10

Agi mi, le agi lagi ahlena pet suma an hagi vuna kazina ni, agi dagi ala: Ami nazungeîna hawa, ami lami ni vama ndak kami á led’ina hol.