Jeremi 31:9 - Bible azumeina

⁹ Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 31:9 ပူးပေါင်းရင်းမြစ်များ

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

Sawal la giled’a 107:7

Mi tagazi lovot ta d’ingêra kayambala a fe azì ma kaka d’a.

Sawal la giled’a 23:2

Nga mi tinin ata hat ma nguloma, nga mi tinin avun mbiyo ma d’igil ma hirwilingâ.

Sawal la giled’a 89:27

Mam mba mi yan ala: Angî abunu! Alo mana, angî ahina d’a sud’unda!

Buzuk ka Abud’a 4:22

Ang i de mi Faron ala: Ma didina mi dala: Israel ni gorona, ni goron ma ngolâ.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Isai 43:20

Hâna karigeta kazurei suma abageina a mba suburunu, kayam an nga ni ge mbina hur fulâ, an nga ni gäluma yam andaga d’a so d’a gangrasa, kayam man suma an manazina a tche mbina kua.

Isai 45:11

Ma didin ma tin tam irat vat yam Israel ma mi minima mi dala: Na ni sana ndak á djobon yam vama nga mbana, d’oze mi han vuna yam grona ki sun nda an lat kabonda mi zu?

Isai 57:14

Ma didina mi dala: Agi gagi lovota, agi gagi lovota, agi minigi lovota, agi pad’agi ahle suma a d’el lovota avok sum manina woi pet.

Isai 63:13

Ni mam ma djagazi alum ma galileina d’igi akulum ma mi djang hur fulâ bei asem mi dap mi puk kä ba na na na.

Isai 63:16

Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Jeremi 3:19

An Ma didina ni dala: Ni nana ba, an min tchugugi aduk grona, ni hagi ambas sa djivid’a, ni hagi djo ma djivi ma kal teglesâ aduk suma kur duniyad’ina ge? An djib’er ala agi mba yan ala Abugiya, agi mba walagi woi ki sed’en nduo.

Jeremi 3:4

Ki tchetchemba, agi nga tchigi kan ala: Abumiya, banami ma ki gugurei tami deina.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Jeremi 50:4

Ma didina mi dala: Kur bur máma, ata yi máma, Israel-lâ ki suma Juda-na a mba mba asem taziya, a mba tit ki tchina iraziya, a mba halan an Ma didina Alo mazina.

Wana ni mbaktumba hi Oze-d’a 12:4

Jakob mi veï dodogasem wiyema ni kur asum dei. Ata yima mi djeng sanina, mi ndjiget kAlona.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Malatchi 2:10

Na ni ei pet abui ni tu d’uo zu? NAlo ma tu máma ba, mi lei d’uo zu? Ni yam me ba, ei nga mbud’i ir tei á b’lak vun ma djin ma Alona djinim kabuyoina ge?

Ndumba 2:18

Ades ma dur ayî ma zlap kades ma dur ayîna hi Efraim-mina, mi ve kang mama abo ma fladegena hi zlub’ud’ina. Ma ngol ma avok andjafâ hi Efraim-mina ni Elisama Amihut goroma.

Matiye 3:3

Ni Jean ma ma djok vun Alona Isai mi dum zlam ala: Wana ni dela hi ma nga mi er ad’um kur fula ala: Agi minigi lovota hi Ma didinid’a, agi minigi lovot mam mba gureid’a d’ingêru na.

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.

Wana ni Zla d’a Djivi d’a Luc mi b’irita 6:21

Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

Romê-na 8:26

Hina mi, Muzu’â hAlonina nga mi ndjuni kur amangeî meid’a. Kayam ei wei nga á tchen Alona ata yat tuo, wani Muzu’â tamba nga mi tchen Alona kei ki zam ta d’a sana mi ndak á dat tei d’uo d’a.

2 Korente-na 6:18

Ma didin ma ad’engêm kal petna mi dala: An mba ni ka’î Abugiya, agi mba kagagi gron suma andjofâ ki gron suma aropma mi.

Gat ta a hat á mbàd’id’a 14:1

Moise mi de kua ala: Agi ni Ma didina Alo magina groma, agi ngad’agi tagi kahle suma sïna d’oze welegi yagi woi yam mat ma tchid’a d’i.

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?

Hebre-na 12:13

Agi tid’igi kur lovot ta djivi d’a d’ingêra, kayam asegi ma dileîd’a mi hulongeî d’i, wani mi sira ni sira.

Hebre-na 12:23

Agi mbagi go ki Tok ka furîd’a hAlona grom suma a vut avok suma simiyêzi sä b’ira akulona. Agi mbagi go gen Alo ma ka sariyad’a yam suma petna ki muzu’â hi suma d’ingêr suma a bo suma Alona mi mbud’uzi ndak memetna.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.