Jean 17:26 - Bible azumeina

²⁶ An tagizi simiyêngû, an mba tagazizi kua, kayam o d’a ang lat kanda, ti kak kuruziya, an kak kuruzi mi.

Jean 17:26 ပူးပေါင်းရင်းမြစ်များ

Sawal la giled’a 22:22

ang sud’un ndei avun azlo máma, ang sud’un ndei avun adif avun máma mi. Gagazi, ang hum tchen manda!

Jean 14:20

Kur bur máma agi mba wagi ala an nga kur Abunu, agi nga zlapa tu ki anu, an nga kurugi mi.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 15:15

An dok yagi azungeîna d’uo d’a, kayam azongâ nga mi we vama salama mi luma d’i. Wani an yagi buniyôn suma kokodjona, kayam ahlena pet suma an humuzï avun Abuna, an tagagiziya wa.

Jean 15:4

Kagagi zlapa tu ki sed’enu, an mba kak kurugi mi. Abo guguzlud’a ndak á vut yam tat ti, mbeî nata abuwad’u. Hina mi, agi le kagagi zlapa tu ki sed’en nduo ni, agi ndak á vud’ugi d’uo mi.

Jean 15:9

D’igi Abun mi le kan na, an nga ni le kagi na mi. Ar agi kagagi kur o manda.

Jean 17:23

An nga kuruziya, ang nga kurun mi, kayam azi kak tu ndak memet. Hina wani, suma duniyad’a a mba wala ni ang ba sununïya, ang nga le kazi d’igi ang nga le kan na mi.

Jean 17:6

An tagang simiyêng ngei mi suma ang handji kur duniyad’a ka hina. Azi ni mangâ; ni ang ba, handjiya, azi nga ngom zla manga mi.

Jean 17:8

kayam zla d’a ang handjid’a, an haziziya wa. Azi vad’u, a wala: Gagazi, an tcholï ni gevengû, a he gagazid’a ala: Ni ang ba, sununïya.

Jean 6:56

Sama mi tan hliwin mi tchan buzuwan mi na, mi nga karid’a zlapa ki sed’enu, an nga karid’a kurum mi.

Jean 8:50

Wani an nga ni hal subura yam tan ndi. Ma suburuna mi nga, ni ma nga mi ka sariyad’a mi.

Romê-na 8:10

Le Christ mi nga kurugiya ni, hliwigi mi mit wa woi ata tchod’a, wani muzugagi nga karid’a, kayam Alona mi mbud’ugi suma d’ingêrâ avoromu.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Korente-na 12:12

Hliu tad’a ni tu, wani ir hliu tad’a nablaud’a. Ir hliu tad’a tutu pet le nablaud’a pî, hliu tad’a ni tu. Christ ni hina mi.

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Efes-sâ 3:17

Ar Christ mi kak kurugi yam he gagazi magid’a. Ar sideyegi mi sir kä, ad’ugi ti pe kä kur od’a

Efes-sâ 5:30

kayam ei ni ir hliu tamu.

Efes-sâ 5:32

Zla d’a muduri ndata ad’ut ti zula heî, wani zla ndata ni ngad’a yam Christ ki Toka.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 2:10

Agi ndagagi wa memet ni yam mamu. Mam mi ma kal yam muzuk ma teteng ma te yamba ki muzuk ma teteng ma ad’engîna.

Kolos-sâ 3:11

Kayam ndata, Juif-fâ kandjaf suma dingâ a nga d’i, ma ngat bayâd’a ki ma bei ngat bayâd’a nga d’i, sama abageina ki sama avona nga d’i, magoma ki gor vuta nga d’uo mi, wani Christ ni ma nga kazi pet kuruzi petna mi.

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,

Hebre-na 2:12

Mi dala: Ang Alona, an mba ni dang zlang ngei mi b’oziyona, an mba ni gileng ki sawala aduk toka hi sumid’a.

1 Jean 3:24

Sama nga mi ngom vun ma hed’a hAlonina, mi nga ni kaka zlapa tu kAlona, Alona tamba mi nga kaka kurum mi. Ei wei ala Alona nga kaka kuri ni yam Muzuk mam ma mi heizina.