Jean 14:31 - Bible azumeina

³¹ wani mbeî suma kur duniyad’ina a wala an nga ni le yam Abunu, an nga ni le d’igi Abun mi han vuna na mi. Agi fagagi akulo, ei i sä hî.

Jean 14:31 ပူးပေါင်းရင်းမြစ်များ

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Isai 50:5

Salad’a Ma didina mi malan human ndei á humba, an ni som nga vunam mbi, an hulong nga bugol luo mi.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Matiye 26:46

Agi tchologi akulo, ei iya. Gola! Sama nga mi han abo sumina mi mba wa go.

Wana ni Zla d’a Djivi d’a Luc mi b’irita 12:50

Wani batemba nga ni d’a mbeî an lata, hurun nga hat kat gak an lat tua.

Jean 10:18

Sana nga kad’enga á tchan ndi, wani an tanda nga ni he tan ndei á matna. An nga kad’enga á he tan ndeyo, an nga kad’enga á tchol tan akulo mi. NAbun ba, mi han vun ma he máma.

Jean 12:27

Jesus mi dala: Ki tchetchemba, vunadigan ndi pat fek, an mba ni de nana ge? An mba ni dala: Abunu, ang sud’un ndei ata ler ra wanda zu? Hawa, ni kayam ndata ba, an mba á fe ndaka kur ler ra wanda.

Jean 12:49

Kayam an nga ni de va yam tan ndi, wani Abun ma mi sununïna ba, mi han vuna yam vama an nga ni duma ki zla d’a an mba ni data mi.

Jean 13:1

Avok vun til ma Pa’â, ata yima Jesus mi we ler mam mba mba go á ar duniyad’a á hulong gen Abuma, mi le yam mam suma kur duniyad’ina le d’a kal papad’a.

Jean 15:9

D’igi Abun mi le kan na, an nga ni le kagi na mi. Ar agi kagagi kur o manda.

Jean 18:11

Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Filip-ma 2:8

Mi hle tam d’igi sana na, ata min mamba mi ge yam kä kukud’uk gak matna, mat ma ata agu ma b’alina.