Jean 14:28 - Bible azumeina

²⁸ Agi humugi wa an dagi ala: An nga ni iya, an mba ni hulongî gevegiya. Ladjï agi lagi kanu ni, agi mba lagi ni furîd’a kayambala an nga ni i gen Abunu d’a, kayam Abun mi kalan ki ngola.

Jean 14:28 ပူးပေါင်းရင်းမြစ်များ

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Sawal la giled’a 68:9

andagad’a ti yira, akulod’a ti se alona avorongû; ahina d’a Sinai-d’a ti yir avorong ang Alona, Alona hi Israel-lîna.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Matiye 12:18

Gola! Azong man ma an manam ma an le kam heîna, ni ma tan ndi lan djivid’a heî kama, an mba ni tin Muzuk mana kamu. Mam mba mi tchi wal yam sariya manda mandjaf suma dingâ,

Jean 10:38

Wani le an nga ni lad’u ni, agi le hagi gagazid’a kan nduo pî, agi hagi gagazid’a yam sun ndata. Hina wani, agi mba wagi tetet ala Abun nga kurunu, an nga kur Abun mi.

Jean 13:16

Gagazi, an nga ni dagiya, azongâ nga mi kal salama ki ngola d’i. Ma a sunuma nga mi kal salam ma sunuma ki ngola d’uo mi.

Jean 14:12

Gagazi, an nga ni dagiya, sama he gagazid’a kana, sun nda an lata, mam mba mi lat na mi. Mam mba mi le sun nda ngol la kal la wanda, kayam an nga ni i gen Abunu.

Jean 14:18

An mba ni aragi hokuyod’a d’i, an mba ni hulongî gevegiya.

Jean 16:7

An nga ni dagi zla d’a gagazid’a. Ni djivid’a kagi d’ala an iya d’a. Le an i d’uo ni, Ma ndjunda mba mi mba kagi d’i. Le an iya ni, an mba ni sunugizïya.

Jean 20:17

Jesus mi dat ala: Ndak don ndi, kayam an djak nga gen Abun biya d’i, wani ndak i gen b’oziyona, ndak dazi ala an nga ni djak gen Abun mala nAbugiya na, gen Alo man mala nAlo magina na mi.

Jean 20:21

Jesus mi dazi kua ala: An gagi depa. D’igi Abun mi sununï na, an sunugi na mi.

Jean 5:18

Kayam ndata, Juif-fâ a nga halam ngola á tchum mbei ni kayamba mi b’la’î bur ma sabatnid’a hol li, wani nga mi yi Alona ala Abumu, nga mi mbut tam dedege d’igi Alona na mi.

Jean 7:33

Kayam ndata, Jesus mi dala: An nga ki sed’egi tua ndjö, bugol an mba ni i gen mam Ma sununïna.

1 Korente-na 11:3

Wani an min ala agi wagi ala Christ ni yam andjofâ pet, mandjufâ ni yam amamba, Alona ni yam Christ mi.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

Vama ndum mbeina 1:11

Ti dan ala: Ang b’ir vama an wuma kur mbaktumba, ang sunut mi Tok ka kid’iziyad’a, nala, ta Efes-sa, ta Ismirin-nda, ta Pergam-mba, ta Tiyatir-ra, ta Sardes-sa, ta Filadelfi-d’a ki d’a Lawodise-d’a mi.