Isai 62:10 - Bible azumeina

¹⁰ Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.

Isai 62:10 ပူးပေါင်းရင်းမြစ်များ

Sawal la giled’a 24:7

Ang vun agre’â, ang mal tang ngei atogo, ang vun agrek ma dedeina, ang mal tang ngeyo; ar amul ma ngol ma subura mi kal avo!

Sawal la giled’a 68:4

Wani suma d’ingêrâ a le furîd’a, a aî avok Alona, a nga lü ndjongâ ki hur ma hapma mi.

Buzuk ka Abud’a 17:15

Moise mi min yima ngal ahle suma ngat buzuna, mi yum ala: Ma didina ni Bangâ mana.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 11:12

Mba mi pe drapo d’a taka mandjaf suma ala mam mba mi tok Israel suma a b’rau woina gevemu, mba mi tok andjafâ hi Juda ma b’rau woi yam andagad’a abot ma fid’inina ata yima tuna mi.

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Isai 19:23

Kur bur máma suma Ezipte-na a mba ge lovota avo Asiri, suma Asiri-na a mba i avo Ezipte. Suma Ezipte-na a mba i avo Asiri mi, suma Ezipte-na ki suma Asiri-na djak a mba kud’or Ma didina.

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 26:2

Ar agi malagi vun agre’â woyo, agi aragi andjaf suma d’ingêr suma d’engzengâ a tchuk avo.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Isai 40:3

An hum dela nga d’i dei ala: Agi minigi lovota mi Ma didina hur fulâ, agi minigi lovota d’ingêr hur ful ma gangrasâ mAlo meina.

Isai 40:4

Ar a min hora akulo min nda dinga, ar a blas ahuniyô suma nglona ki yima ndingâ kä woyo, ar a mbut yima djodjohlâ papana, ar a mbut yima mbed’etna bubud’a d’igi hora na.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 49:11

An mba ni ge lovota yam ahinad’a, suma a mba hulong tit kua mi.

Isai 49:22

Salad’a Ma didina mi dala: Gola! An nga ni hlabon akulo mandjaf suma, an mba mi pe drapod’a akulo mi suma. Azi mba yoï grok suma andjofâ akulo ahlabaziya, azi mba yoï grok suma aropma akulo kelezi mi.

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Isai 57:14

Ma didina mi dala: Agi gagi lovota, agi gagi lovota, agi minigi lovota, agi pad’agi ahle suma a d’el lovota avok sum manina woi pet.

Isai 60:11

Vun agrek ma’â mba mi arî mala woi burâ ki burâ, sa mba mi dugum falei d’oze andjege d’i, kayam andjaf suma a fe lovota á kal ki ndjondjoî mazid’a avo hatagu, amulei mazina ki suma ad’uzina mi.

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Jeremi 4:6

Agi pagi drapo d’a taka akulo avo Siyon, agi ringîgiya, agi tchologi aduk ki, kayam Ma didina nga mi mba ki ndaka abo ma norâ, ki b’lak ka ngola mi.

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Matiye 22:9

Kayam ndata, agi igi grak lovota; suma agi fazina, agi yazï pet yam te ma tela.

Hebre-na 12:13

Agi tid’igi kur lovot ta djivi d’a d’ingêra, kayam asegi ma dileîd’a mi hulongeî d’i, wani mi sira ni sira.