Isai 58:13 - Bible azumeina

¹³ Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Isai 58:13 ပူးပေါင်းရင်းမြစ်များ

Sawal la giled’a 122:1

Ni sawala hi David ta suma a djak Jerusalem á lü vun tilîna a hlata. An nga ki furîd’a ata yima a dan ala: Ar ei ï avo hi Ma didina na.

Sawal la giled’a 27:4

An nga ni tchen Ma didina yam vama an nga ni halam ki hur ma hatina: Nala, an min kak kur gong nga kud’ora hi Ma didinid’a teteu gak mat mana á gol subur mamba, á gol gong mam mba kud’ora ki furîd’a mi.

Sawal la giled’a 42:4

Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

Sawal la giled’a 84:10

Alo mamina, angî mbarei mamid’a; ang we, ang gol ir ma ang manama.

Sawal la giled’a 84:2

Ma didin ma ad’engêng kal petna, gong manga djivi mata kal tegles.

Buzuk ka Abud’a 35:2

Agi lagi sunda burâ karagaya, wani bur ma kid’iziyana agi tinim iram vamu; ni bur ma sabat ma tuk tad’a. Agi tinim iram vam yam Ma didina. Sama lara pî ma le sunda kurâ, a mba tchum mbeyo.

Buzuk ka Abud’a 35:3

Kur bur ma sabatna agi tchugugi akud’a kur givin magina d’i.

Isai 55:8

Kayam Ma didina mi dala: Djib’er manda nga ni djib’er magid’a d’i, sun magi d’a led’a nga ni sun man nda led’a d’uo mi.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Ezekiyel 44:24

Le zlad’a nde aduk suma ni, azi mba ka’î suma ka sariyad’a, azi mba ka ni sariya d’a d’ingêra yam gat manda. Azi mba le vun til mana yam gat manda ki vun man ma hed’a, azi mba ngom bur man ma sabatna á tinim iram vam mi.

Sunda hi suma hi Levi-nid’a 19:3

Ar nge nge pî adigagi mi hu abum kasumu, mi ngom bur man ma sabat ma tuk tad’a mi, kayam an ni Ma didina Alo magina.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.