Isai 37:16 - Bible azumeina

¹⁶ Ma didin ma ad’engêng kal petna, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’ina, ang ni Ma lakulod’a kandagad’ina.

Isai 37:16 ပူးပေါင်းရင်းမြစ်များ

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

2 Samuel 7:26

Ar suma a suburung simiyêng teteu, ar a dala: Ma didin ma ad’engêm kal petna nAlona hi Israel-lîna, ar andjafâ hi an azong mangâ David-na, mi ka’î sirad’a avorong hina didin mi.

1 Amuleina 18:32

Elie mi yo ahina ndata, mi min ki yima ngal ahle suma ngat buzuna hi Ma didinina, mi djugot zula nguyum kä. Zul ndata hurut ndak á vo mbina lidirâ dok hindi.

1 Amuleina 8:6

Bugola, suma ngat buzuna a i ki zanduk ma vun ma djinda hi Ma didinina mi nga kuana ata yima a tinim iram vam ma kal teglesâ krovo kur gonga kä ad’u giging tcherebêna.

2 Amuleina 5:15

Ata yi máma mi hulongî avo hi Elise zlapa ki suma ki sed’ema pet, mi mba mi tchol avok ma djok vuna Elise, mi dum ala: Salana, ki tchetchemba, an we yam andagad’a pet alo ma ding ma d’igi Alona hi Israel-lîna na na nga d’i. Ang ve he d’a hawa d’a nde d’a an mbangzi wanda.

Esdras 1:3

Ni nge adigagi ba, ni sa mama ge? Ar Alo mama mi kak ki sed’emu, mi i Jerusalem mba Juda-d’a, mi min gong nga kud’ora mi Ma didina Alona hi Israel ma nga avo Jerusalem-ma.

Sawal la giled’a 146:6

Ma didina mi lakulod’a kandagad’a, mi lalum ma ngolâ kahlena pet suma a nga kuruma, nga mi ngom gagazid’a teteu mi.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.

Sawal la giled’a 99:1

Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!

Buzuk ka Abud’a 25:22

Nata yi máma ba, an mba ni ngavang akulo yam zandu’â vunam ma duka aduk tcherebê suma mbà suma agi tinizi akulo yam zanduk manina. Ni kua ba, an mba ni hang vun man ma hed’a pet ma yam Israel-lîna.

Isai 37:15

Bugola, mi nde tchenda ala:

Isai 37:20

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Isai 40:22

Ma didina mi ni kaka akulo yam nguid’a handagad’id’a. Suma a nga kaka kurutna a ni gugureid’a d’igi djera na avoromu, mi b’eng akulod’a woi d’igi baru d’a afefeta na, mi b’engêt tei d’igi zlub’u mamba na á minit yi mam ma kaka.

Isai 40:28

Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 45:12

Ni an ba ni landagad’a, ni le suma a nga kaka kurutna pet. Ni an ba ni b’eng akulod’a woyo, ni he vuna mahle suma kurutna pet mi.

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Isai 8:13

Ma didin ma ad’engêm kal petna tu ba, agi wagi ala ni Ma bei tchod’a ba na. Ni mam tu ba, agi lum mandaramu, ni mam tu ba, agi zlagagi avorom mi.

Jean 1:3

Alona mi lahlena pet ni ki ndad’u. Vama tu ma mi lum bei ndatna nga d’i.

Gat ta a hat á mbàd’id’a 10:17

Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na,

Kolos-sâ 1:16

Alona mi lahlena pet ni ki mamu, nala, ahle suma sä akulona kahle suma yam andagad’ina kahle suma a nga wazi ki irina kahle suma bei wazi ki irina, suma ad’enga ki suma suliyod’a ki suma te yamba ki suma te leud’a. Alona mi lahlena pet ni ki mamu, ni kam mam mi.

Hebre-na 4:16

Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.

1 Samuel 4:4

Kayam ndata, a sun suma Silo á hleï zanduk ma vun ma djinda hi Ma didin ma ad’engêm kal pet ma nga kaka yam zlam mam mba amula aduk tcherebê ma lorina nga kuana. Hofni azi ki Fines Eli grom suma mbàna a i ki zanduk máma.