Isai 30:30 - Bible azumeina

³⁰ Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 30:30 ပူးပေါင်းရင်းမြစ်များ

Wana ni mbaktumba hi Job-pa 38:22

Ang kal gak i ata yima a ngom nesâ kuana zu? Ang we yima a ngom mogoina kua

Wana ni mbaktumba hi Job-pa 38:23

ma an tinim nga vam yam yima ndaka, yam yima huneîd’a kayî ma durîna zu?

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Sawal la giled’a 2:5

Ata yi máma nga mi dazi zlad’a kayîna, nga mi mbud’uzi mandarâ kayî mam ma bibiliuna mi.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Sawal la giled’a 98:1

Wana ni sawal la giled’a. Agi gilegi Ma didina ki sawal la awilid’a, kayam mi lahle suma ndandalâ. Mi sut suma ni ki bigam mba ndjufa, ni kabom ma bei le tchod’a ba na mi.

Buzuk ka Abud’a 15:16

Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Buzuk ka Abud’a 9:23

Moise mi hle totogo mamba akulo hur alona. Ma didina mi he vuna, alona mi breyâ, mi se ki mogoina, akud’a ndeï kä yam andagad’a mi. Ma didina mi sun mogoina mi se yam ambas sa Ezipte-d’a.

Buzuk ka Abud’a 9:24

Mogoina kakud’a gizeîd’a a se yam ambas sa Ezipte-d’a pet. Mi se ngola heî. Käd’u tinda hi Ezipte-d’a dei, mi se nga hina yam tu d’i.

Isai 10:16

Kayam ndata, Salad’a Ma didin ma ad’engêm kal petna mba mi sun itna ata suma d’or suma gugundulîna, mba mi fo aku d’a ngal bibiliud’a akulo aduk mazi suma nglona.

Isai 10:26

Ma didin ma ad’engêm kal petna mba mi tozi kazlingâta d’igi mi kus yam suma Madiyan-na akulo yam ahina d’a Orep-pa na, mba mi hle totogo mamba akulo yam alum ma ngolâ d’igi mi hlat akulo yam Ezipte-na adjeu na mi.

Isai 10:5

Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Isai 28:2

Gola! Sama ad’eng ma sib’ik ma Salad’a mi sunumina nga mi djïya. Mi ni d’igi alo ma se ki mogoinina na, mi ni d’igi babar ma ngol ma mi b’lak ahlenina na, mi ni d’igi alo ma mi se mbina heî ma hle yina d’igi toliyonda na na. Mam mba mi b’lak yam andagad’a woi kad’enga na mi.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 30:29

Wani agi suma Jerusalem-ma, agi mba hlagi sawala kur andjeged’a d’igi suma a hle sawala ata yima vun tilîna na. Agi mba lagi furîd’a kurugi krovo d’igi suma a tit ad’u tchina hi taulâd’a á i yam ahinad’a hi Ma didinid’a gen Alona ahinad’a hi Israel-lîd’a na.

Isai 30:31

Ata yi máma suma Asiri-na a mba le mandarâ abo dela hi Ma didinid’a. Ma didina mba mi tozi ki tatagam mama.

Isai 31:4

Gola! Ma didina mi dan ala: D’igi azlona d’oze azlo ma azongâ nga mi ngop ades suma pola yam vama mi vuma, nga mi le mandarâ abo siwel mazid’a á arazi lovota d’uo na, an Ma didin ma ad’engên kal petna mba ni le hina fata ni tchuk asen kä yam ahina d’a Siyon-nda á dur ayîna kuad’a.

Isai 32:19

Wani mogoina mba mi kizak agud’a woi atogo zak, azì ma ngolâ mba mi feî mi.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 4:6

Mba d’i mbut ni zlub’u d’a anguzuna yam huwak ka faleid’a, mba d’i mbut ni yima ngei tad’a abo babarâ kalo ma sed’a mi.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Jeremi 25:32

Ma didin ma ad’engêm kal petna mi de kua ala: Ndaka nga d’i mba yam andjafâ tutu pet, babar ma ngolâ mi tcholï avun dabid’a handagad’id’a.

Ezekiyel 10:5

Tcherebêna gigingâzi ma nga mi tchina, mi i gak a humum sä woi hur atrang nga abud’a d’igi dela hAlo ma ad’engêm kal petnid’a ata yima nga mi de zlad’ina na.

Ezekiyel 13:13

Ni kayam ndata ba, an Salad’a Ma didina ni dala: Kur hur man ma zala, an mba ni mba ki babar ma ngolâ. Kur ayî mana, an mba ni mba kalo ma se ma tchona. Mogoi ma nglona mba mi yak kä kad’enga, mba mi b’lak ahlena woi pet.

Joel 2:5

Ang ala ni siwela hi pus ma dur ayî ma nga mi pir akulo yam ahuniyônina na, d’igi siwela hi sin aku d’a nga d’i ngal kuzad’id’a na, d’igi andjaf suma ad’eng suma a ndjar á dur ayînina na mi.

Amos 1:14

an mba ni do akud’a ata gulumun ma Raba-na, ti mba d’i ngal azì ma ad’eng ma ngunguna woi kur bur ma ayîna ki siwela d’igi babarâ ki mbirlimba a siwela na.

Mise 1:4

Ahuniyôna a nga lau woi kä ad’umu, hora mba d’i wak kei d’igi dubangâ mi lau woi abo akud’a na, d’igi mbiyo ma akulo yam yima ndingîna mi djangî kä ata yima ligitima na mi.

Matiye 24:7

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, baktarad’a mba d’i nde, andagad’a mba d’i yir gigidji ata yina teteng mi.

Wana ni Zla d’a Djivi d’a Luc mi b’irita 1:51

Mi tak sun nda ad’eng nga mi lat kabomba woyo, mi ndjoî suma a nga ki djib’er ra yam mba ad’enga kuruzina woi yayak.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Josue 10:10

Ma didina mi ndjoyôzi woi avok Israel-lâ. A tchazi tchi d’a tchod’a avo Gabawon, a nga digizi kur lovot ta i akulo Bet-Horon-nda, a tchazi gak a mbaza Azeka ki Makeda.

Josue 10:11

Kid’a azi nga ring avok Israel-lâ a sulugot kä Bet-Horon-nda, Ma didina mi sazi mogoi ma nglona kazi ei akulo gak a mba Azeka; a bo ablaud’a. Suma a bo abo mogoinina ablaud’a kal suma Israel-lâ a tchazi ki mbigeu d’a fiyakina.

Vama ndum mbeina 1:15

Asem wile d’igi kawei ma hleu ma a gum aduk aku d’a tchafina na. Delem mba ded’a ti tchi d’igi mbiyo ma avun vorina na.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

1 Samuel 7:10

Wani ata yima Samuel nga mi he vama ngat buzu ma ngala mi Ma didina tua na, Filistê-na a mba go á ngruf Israel-lâ. Wani kur bur máma Ma didina mi breyêzi ad’enga. Azigar suma Filistê-na a nde tcha tata, a wet ringâ avok Israel-lâ.