Isai 24:18 - Bible azumeina

¹⁸ Sama mi ring ngei abo mandar ma ngol mamina, mba mi nde kä kur zula; sama mi djak kei akulo kur zul ndatina mba mi ve kabeid’a. Kayam ir mbiyo ma akulona mba mi mal leyo, andagad’a ad’ut ta ged’a mba ti giget mi.

Isai 24:18 ပူးပေါင်းရင်းမြစ်များ

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Ad’u Tinda 7:11

Kur biza d’a kikis karagayad’a hi Noe-d’a, kur bur ma dogo yam kid’iziyana hi til ma mbànina, ir mbiyo ma lau ma yiyi’â mal lei pet, mbiyo ma akulona iram mal lei mi.

2 Amuleina 7:2

Azigar ma ndjun amulâ ma mam nga mi deng tam atama, mi de mi Elise ala: Le Ma didina mi mal ir akulod’a mi yagï awuna kä pî, zla d’a ang dat wanda mba d’i le zu? Elise mi hulong dum ala: Ang mba wum ki irangû, wani ang mba tum mbi!

Wana ni mbaktumba hi Job-pa 20:24

Le mi ring ngei abo ahle suma sï suma kaweina ni, yeû d’a kawei ma hleuna mba d’i tchogomu.

Sawal la giled’a 18:15

Mi yet mam suma djangûna ki yeû mamba, mi b’rawazi woyo; wile mamba ti ndjoyôzi woi vivreng.

Sawal la giled’a 18:7

Kur yor ta manda, an yi Ma didina, an tchi yam Alo mana. Ata yam ma kaka mi humun delen kur gong mamba, tchi mana mi ndeza humamu.

Sawal la giled’a 18:8

Ata yima hurum zalâ, andagad’a yir gigidji, ti giget mi; ad’u ahuniyôna pet a yira, a giget mi.

Ma tchi wala 9:12

Kayam sana nga mi we yi mama d’i. Ni d’igi kulufâ mi ve kabeina na d’oze d’igi aluweina a ve ki dauna hina mi. Hina mi, ndaka mba d’i mba yam suma ni hina dumuzi bei azi we ba mi.

Isai 13:13

Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Isai 2:21

A mba tchuk angra ahuniyôna, a mba tchuk kur zul ahuniyôna á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’a mandarîd’a!

Isai 42:22

Gola! Nandjaf suma a yozi ahligiyezi a hurumuzina. Azi pet ni suma a tchuguzi kä kur zulina, a nga ngeid’a kä kur gongîyo suma dangeina ata yima nduvunda. Azi mbut ni vama hurumba, wani sama prud’uzi woina nga d’i, a yozi ahligiyeziya, wani sama mi dala: A hulongôziziya na nga d’i.

Isai 8:14

Mam mba mi mbut ni zlub’u d’a a tinit irat vata, mba mi mbut nahina d’a dap asema mi. Nahina d’a dap asema yam leud’a hi Israel-lîd’a ki leud’a hi Juda-nid’a, mba mi mbut nabeid’a ki dauna yam suma a nga kaka avo Jerusalem-ma mi.

Jeremi 48:43

Ma didina mi dala: Ang ma nga kaka Mowap-ma, mandarâ ki zula kabeid’a a nga djubungû.

Jeremi 48:44

Ma didina mi de kua ala: Sama mi ring abo mandarîna mba mi nde kur zula. Ma djagï akulo woi kur zulina, abeid’a mba d’i vum mi, kayam an nga ni mba ki biza d’a ndaka yam azì ma Mowap-ma.

Hor ma tchina 3:47

Mandarâ ki bad’a ki b’laka ki pleîd’a a mba kamiya.

Ezekiyel 11:8

Agi nga lagi mandara ayî ma durâ. Gola! An nga ni sunugizïya! Ni an Salad’a Ma didina ba, ni dagiya!

Ezekiyel 12:13

An Ma didina mba ni gun dau mana kä avoromu, mba mi vumu. An mba ni im yam ambas sa Babilon-nda. Wani mam mba mi wat ti, mba mi mit sä kua.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Amos 5:18

Ni zla d’a hohoud’a kagi agi suma tagi nga d’i lagi zlezleû yam bur ma mbad’a hi Ma didinina. Agi mba fagi ni me kur bur ma mbad’a hi Ma didinina ge? Bur máma mba mi mbut ni bur ma nduvunda, nga ni bur ma b’od’a d’i.

Amos 5:19

Mba mi mbut ni d’igi sama ring avok azlona mi ngaf ki ursîna na, d’oze mi kal avo hatam mi gabom yam gulumun mama guguina mi ed’ema na mi!