Isai 17:13 - Bible azumeina

¹³ Andjaf suma vunazi nga mi tchi wü d’igi mbiyo alum ma ngolâ vunam nga mi tchi wü na, wani Ma didina mi ngoboziya, a ring ngei dei d’igi brad’a ti fel lei abo simet ma tcholï akulo yam ahuniyônina na, d’igi ir mau d’a simetna mi sirit akulo aduk mbirlimba na mi.

Isai 17:13 ပူးပေါင်းရင်းမြစ်များ

Wana ni mbaktumba hi Job-pa 21:18

Tala azi mbut d’igi hububu ma simetna nga mi felema na, d’oze d’igi ahlapma mbirlimba nga d’i felema na d’a ge?

Wana ni mbaktumba hi Job-pa 38:11

Nata yi máma ba, an dum ala: Ang mba i gak tchol ka hî na, ang kal lei kam mbi, abil mang ma ang sululum kad’engina mi kal lei kam mbuo mi.

Sawal la giled’a 1:4

Wani suma asa’atna a nga hina d’i. Azi ni d’igi bra d’a simetna mi felet teid’a na.

Sawal la giled’a 35:5

Ar azi mbut ni d’igi bra d’a simetna mi felet teina na, ar malaika mangâ mi digizi woi mi.

Sawal la giled’a 65:7

Kad’eng manga ang tin ahuniyôna ata yaziya, ang nga kaka kad’eng manga ngingring mi.

Sawal la giled’a 65:8

Ang nga seng vun alum ma ngolâ kabil mama, ang nga seng siwela hi sumid’a mi.

Sawal la giled’a 9:5

Kayam ang nga ndjunun yam d’ingêr manda, yam zla manda mi, ang nga kaka yam zlam manga á kan sariya d’a d’ingêra.

Isai 14:25

An mba ni b’lak suma Asiri-na woi yam ambas manda, an mba ni mired’ezi kä kasen yam ahuniyô mana, an mba ni hle djuk mazina woi kel sum mana, an mba ni hlanek mazid’a kä woi yam sum mana mi.

Isai 21:15

Kayam azi nga ring abo mbigeu d’a fiyaka, abo mbigeu d’a nga pata woid’a, abo yeû d’a nga ndira woi á yetid’a, abo ndaka hayî ma durîd’a mi.

Isai 22:18

Mba mi d’ud’ungû, mba mi d’ud’ung d’igi bala na, mba mi gangza woi yam andaga d’a bubud’a ki pus mang ma subura pet, ang mba mit sä kua, ang ma mbut azina hi salangâ zulonina.

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Isai 29:5

Mang suma djangû suma mimiyâ’â a mba mbut ni d’igi gugum ma fefelâ na, suma mimiyâk suma a nga te yam sum ndazina kad’engina, a mba mbut ni d’igi bra d’a simetna mi felet teid’a na, ahle ndazina a mba le natogo hina zak bei sa mi we ba.

Isai 30:28

Fo d’a avunamba ti ni d’igi toliyon nda ti hop gak ti mba avunat akulo mbeî d’a na á yik andjaf suma yik ka tcho d’a b’laka, d’igi djama d’a a tchugut avun andjaf suma á bazi ki woid’a na.

Isai 34:17

Mi le togina kaziya, mi ngazi andagad’a ki ziyona kabomu; ti arî va mazid’a gak didin, a mba kak kat atchogoid’a katchogoid’a mi.

Isai 40:15

Gola! Andjaf suma a ni d’igi mbiyo ma tol kä hur sona ndeng tuna na, a ni d’igi andaga d’a gugud’up pa a hlat ki kilonid’a na. Gola! Til la tetenga ti ni d’igi andaga d’a gugud’up pa ti fel leid’a na.

Isai 40:24

A pazi nga kä dei d’i, a zarazi nga kä dei d’uo ko, abuwazi mi tchuk nga sideina andaga kä dei d’uo ko, mi sir simetna kaziya, a nga so woyo, mbirlimba nga d’i yozi woi d’igi ti yo kuzad’a woi na mi.

Isai 41:11

Gola! Suma pet suma huruzi mi zal kagina, a mba mbut zulona, a mba mang ngeyo. Suma a nga tchi tuguyod’a ki sed’egina, a mba mbut ni vama hawana, a mba dap peyo.

Isai 8:7

Kayam ndata, an Ma didina nga ni kak djangûna ki sed’eziya, mba ni mba kad’enga hi mbiyo alum ma Efrat-na kaziya, nala, amul ma Asiri-na ki subur mamba pet. Alum máma mba mi oî woi ir b’irlim mama, mba mi wet tei avun gongôd’i mamba papadjang,

Daniel 2:35

Ata yi máma kawei ma wurana, lubu ma ab’lorina, kawei ma hleuna, kawei ma hapma ki lora zla tazi pet a mbut d’igi guguma na mi, simetna mi felezi woi d’igi suma a sir awuna kur ambid’a’â awali na, simetna mi i ki sed’ezi bei wazi yazi ma a i kuana ba. Wani ahina d’a ti nde yam vama a tchet mámid’a, ti mbut ahina d’a fiyak ka ked’iwurenga, ti oî yam andagad’a pet.

Wana ni mbaktumba hi Oze-d’a 13:3

Kayam ndata, a mba mbut d’igi amborogei d’a yorogod’a na, d’igi mbad’ï d’a ti ge ndjö ti gas seid’a na, d’igi mbirlim mba ti tor hububu ma ata yima to awuna woid’a na, d’igi andos ma mi buzuk kei akulo yam azid’ina na mi.

Sofoni 2:2

avok ka bei vun ma hed’a mba tua d’a, bei burâ mi kal d’igi brad’a ti fel lei na d’a, bei ayî ma bibiliuna hi Ma didina mi mba kagid’a, bei bur ma ayî máma mi mba kagid’a.