Hebre-na 9:28 - Bible azumeina

²⁸ Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

Hebre-na 9:28 ပူးပေါင်းရင်းမြစ်များ

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

Romê-na 6:10

Kayam mat ma mi mitna, mi mit ni yam tu yam tchod’a, wani ari d’a mi nga ki sed’et ki tchetchembid’a, mi kak arid’a ni yam Alona.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

Romê-na 8:23

Ni kayam azi hol li, wani ei suma nga ki Muzu’â hAlonina d’igi he d’a hawa d’a avoka hAlonid’a na na, ei nga zamei tei kuri krovo á djubi pat ta Alona mba mi pad’eï ei groma woi kur hliwid’a.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Sunda hi suma a sunuzinid’a 1:11

a dazi ala: Agi suma Galile-na, ni kayam me ba, agi tchologi á gol akulod’a ge? Ni Jesus ma Alona hlum sä akulo adigagina, mba mi hulongî ni d’igi agi golom i mam mba sä akulod’a na mi.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

Matiye 26:28

kayam ma wana ni buzuwanu. Ni vun ma djin ma awilina hAlonina, ni buzuwan ma mba mi djang ngei yam ablau sumina, kayambala Alona mba mi vat hurum mbei yam tcho mazid’a d’a.

2 Pierre 3:12

Ar agi djubugi bur ma mbad’a hAlonina, agi b’ad’agi tagi á zut mbad’a hi bur mámid’a mi. Ni bur ma akulod’a mba d’i vakud’a, mba d’i b’lak keina, ahle suma akulona pet a mba lau woi abo aku d’a ngala.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Korente-na 15:54

Fata ta d’a matna ti tchuk ta d’a bei matnid’a, ta matna mba tchuk ta bei matnid’a mi, ata yi máma, zla d’a a b’irit kur mbaktumba hAlonid’a ala: Kusa ndak wa memet, matna a b’lagam wa woyo d’a mba d’i ndaga.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

Jean 14:3

Le an i wa ni min wa yina kagiya ni, an mba hulongî á yogi sä gevenu, kayam yima an nga kak kuana, agi mba kagagi kua mi.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.

2 Tasaloni’â 2:1

B’oziyomina, ami nga tchenegi yam mbad’a hi Salad’a Jesus Christ-sa, yam tok meid’a ki sed’emba mi.

1 Korente-na 1:7

Kayam ndata, he d’a hawad’a hAlonid’a tu pî ti kid’agagi nga agi suma nga djubugi bur ma Saleina Jesus Christ mba mi nde woina d’i.

Romê-na 5:15

Wani he d’a hawad’a hAlonid’a ti nga ni d’igi tchila d’a Adam mi tchilata na d’i. Le suma ablaud’a a bo ni yam tchilad’a hi sama tunid’a ni, kal pet sumad’a ki he d’a hawad’a hAlona d’a yam sama tu ma a yum ala Jesus Christ-sâ a mba zul ngola kazi kal mi.

Zakari 14:5

Ata yi máma agi mba ringîgi kur hor ra aduk ahuniyô manid’a, kayam hor ndata mba d’i i gak Asal. Agi mba ringîgi d’igi abuyogi ngolo a ring abo giget ta andagad’a ti giget kur atchogoid’a hi Oziyas amul ma Juda-nid’a na. Ata yi máma Ma didina Alo mana mba mi mba ki mam suma mi tinizi irazi vazina.

Hebre-na 9:25

Wani Christ mi he nga tam vama ngat buzuna mAlona yam ablaud’a d’igi ma ngol ma ngat buzuna nga mi kal ata yima a tinim iram vama bizad’a ki bizad’a ki buzuna haho’îna na d’i.

Sunda hi suma hi Levi-nid’a 10:17

Ni kayam me ba, agi mud’ugi vama a tchum á zlup yam tchod’ina ata yima a tinim iram vama d’uo ge? Ni vama a tinim iram vam ma kal tegles ma Ma didina mi hagizina, kayam agi zigi tchod’a hablau sumid’a á zlubuzi yam tcho mazid’a avogomu.

Ndumba 18:23

Suma hi Levi-na a mba le sunda kur zlub’u d’a ngaf tad’a, a mba zi aneka hi tcho mazid’a mi. Zla ndata arî gat ta didinda kagi kur atchogoi magi d’a lara ge pet. Azi mba fe djo ma ted’a aduk Israel-lâ d’i.

Ndumba 18:1

Ma didina mi de mi Aron ala: Ang ki grongâ ki b’oziyong suma ad’u andjafâ hi Levi-nina, agi zigi aneka hi tchod’a pet ta suma a mba lat ata yima kud’orid’a. Ang ki grongâ agi zigi aneka hi tcho d’a suma ngat buzuna a mba lata pet mi.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.

Romê-na 3:25

Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Hebre-na 7:27

Wani Jesus mi le nga d’igi suma nglona hi suma ngat buzuna suma dingâ na d’i. Azi ni suma a nga ngat buzuna burâ ki burâ yam tcho mazid’a avogo, bugol yam mba hi sumid’a mi. Wani ata yima mi he tam mbei vama ngat buzuna yam tchod’a hi sumina, mi le hina ni yam tu.

Hebre-na 10:10

Kayam Jesus Christ mi ndak vun minda hAlonid’a, mi mbuzi tcho meid’a woi yed’et ata yima mi he tam mbei vama ngat buzuna yam tu gak didina.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Jude 1:21

Ar agi vagi tagi kur od’a hAlonid’a á djubugi Saleina Jesus Christ ki djivi mamba á hagi ari d’a didinda.