Hebre-na 9:24 - Bible azumeina

²⁴ Kayam Christ mi kal nga nata yima a tinim iram vam mAlona ma suma a lum kabozi ma hle tam ki ma gagazinina d’i. Wani mi kalî kur akulod’a tata á tak tam mbei avok Alona ki tchetchemba keya.

Hebre-na 9:24 ပူးပေါင်းရင်းမြစ်များ

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Buzuk ka Abud’a 28:12

Agi b’alagi ahina d’a mbà ndata yam baru d’a efo d’a hihingâ Aron-nda d’igi vama ge humba na yam Israel groma, ata yima Aron nga mi zizi simiyêzi akulo hihingâm avoron an Ma didinina.

Buzuk ka Abud’a 28:29

Fata Aron mba mi kal kur zlub’u d’a kud’orid’a, mba mi zi simiyê Israel groma ma a b’irim ata baru d’a didik ka ka sariyad’ina akulo didigam d’igi vama ge humba na avoron an Ma didina burâ ki burâ.

Zakari 3:1

Ma didina mi tagan ma ngol ma ngat buzuna Josue ma nga tchola avok malaikana hi Ma didinina. Seitan mi nga tchola yam Josue bigam mba ndjufa á vum ki zlad’a.

Matiye 18:10

Jesus mi had’azi kua ala: Agi gologi tagi djiviya, agi gologi ma tu ma aduk gugurei suma wana is si. Kayam an nga ni dagiya, malaika mazina a sä akulo a nga gol ir Abun ma sä akulona teteu. [

Marik 14:58

Ami humumi mi dala: An mba ni to gong nga kud’ora hAlonid’a d’a suma a minit kabozid’a woyo, wani bugol kur bur ma hindina an mba ni min nda ding nga bei sana mi minit kabombid’a akulo.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Wana ni Zla d’a Djivi d’a Luc mi b’irita 24:51

Kid’a nga mi b’e vunam kazi tua d’a, mi wal ki sed’eziya, Alona mi hlum sä akulo.

Jean 16:28

An tcholï ni gen Abunu, ni mba kur duniyad’a ka hî. Ki tchetchemba, an nga ni ar duniyad’a, an nga ni i gevemu.

Jean 6:62

Wani fata agi le wagi an Gor Sana djak wa akulo ata yima an nga kua avo’â ni, agi mba lagi ni nana ge?

Sunda hi suma a sunuzinid’a 3:21

Djivid’a mam kak sä akulo gak Alona mi tin ahlena pet suma mi dazi avun mam suma djok vun suma mam tinizi irazi vazi avok deina ata yazi tua.

Romê-na 8:33

Sama mba mi kal yam suma Alona mi manazina ni nge ge? Sa nga d’i, kayam Alona mi mbud’uzi suma d’ingêrâ avoromu.

2 Korente-na 5:1

Ami wami ala le zlub’u mami d’a yam andaga d’a ka hid’a ti b’lak keyo ni, Alona nga mi ngomomi yami ma kak ma sä akulona, ni ma mam tam minima, ni ma mba mi kak didina, ni ma sa mi minima d’i.

Kolos-sâ 3:2

Ar agi tinigi hurugi ni yam ahle suma sä akulona, wani agi tinigi hurugi yam ahle suma yam andagad’a ka hina d’i,

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

Hebre-na 6:20

Ni yima Jesus mi kal kua avok kei á ndjunina, kayam mi mbut Ma ngol ma ngat buzuna gak didin d’igi Melkisedek na.

Hebre-na 8:2

Nga mi le sun nda ngat buzuna ata yima Alona mi tinim iram vam ma kal teglesâ, nala, zlub’u d’a gagazi d’a Salad’a mi minita, nga ni sana d’i.

Hebre-na 8:5

Kayam suma a nga le sunda hahle ndazinina, ni vama taka yam angus vama akulona. Ata yima Moise mi nga mi min á ve zlub’ud’ina, Alona mi dum ala: Ang gol tang djivi ang lahle ndazina pet dedege d’igi an tagangzï akulo yam ahinad’a na.

Hebre-na 9:1

Vun ma djin ma avo’â nga ki vun ma hed’a á kud’or Alona kur gong mamba ka hî yam andagad’a.

Hebre-na 9:23

Mbeî a mbus ahle suma a hle tazi kahle suma akulona woi yed’et ni ki vama ngat buzu ma hina na. Wani a mbus ahle suma akulona tazid’a woi yed’et ni ki vama ngat buzu ma kal teglesâ.

Hebre-na 9:9

Wana ni vama taka yam atchogoi d’a tchetchem wanda. Nala, suma a nga he he d’a hawad’a kahle suma ngat buzuna mAlona, wani ahle ndazina a ndak á mbut sama kud’or Alonina memet ki djib’er ra kurum krovod’a d’i.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

Vama ndum mbeina 8:3

Malaika ma dingâ mi mba, mi tchol nga ata yima ngal dubang ma his djivid’ina. Mi nga kangal la lora abomu. A hum dubang ma his djivid’ina ngola, kayam mi hum zlapa ki tchenda hi suma hAlonid’a pet ata yima ngal dubang ma his djivid’a ma lor ma nga avok zlam mba amulina.