Hebre-na 6:8 - Bible azumeina

⁸ Wani le andagad’a nga d’i deî awei-avirina ki himbirâ ni, zlat nga d’i. Ar go Alona mba mi gat vuna, dabi mata ni ngala mi.

Hebre-na 6:8 ပူးပေါင်းရင်းမြစ်များ

Ad’u Tinda 4:11

Ki tchetchemba, an nga ni gang vuna yam andaga d’a ngo vunat ti tche buzu wiyeng ma ang tchuma abonga.

Ad’u Tinda 5:29

mi yum ala Noe, mi dala: Ni ma mba mi b’lengeî huri yam sun meid’a ki sun nda ndak ka ei mba lat kaboi yam andaga d’a Ma didina mi gat vunid’a.

2 Samuel 23:7

Sama mi dotna mi dot ni ki kaweina d’oze agu asapa, mi ngalat ni ata yat máma.

Wana ni mbaktumba hi Job-pa 31:40

ar mi deî kekerezeuna balum gemena, ar mi deî barumba balum awu orsâ mi. ZLA D’A DABID’A HI JOB-PA.

Sawal la giled’a 107:34

mi mbut ambas sa tub’ad’a ambas sa himbirâ, kayam asa’ata hi suma kurutnid’a.

Isai 27:4

An nga ki hur ma zal kurun ndi, wani le an fe aweid’a azi ki kekerezeuna adugu ni, an mba ni tit kaziya, an mba ni ngalazi woi kakud’a.

Jeremi 17:6

Mi hle tamî d’igi azlup pa abagei hur fulîd’a na, nga d’i we vama djivi ma nga mi mbana d’i, ti ka’î abagei hur ful ma gangrasâ yam andaga d’a ndjuvuna d’a sa nga mi kak kua d’uo d’a mi.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 3:10

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Matiye 7:19

Agu ma lara ge ma nga mi vut vut ta tchod’ina, a mba kam mbeyo, a mba gum aduk akud’a.

Marik 11:14

Jesus mi de mi tuluma ala: Ar avok hî gak didin sa dok mi tang vud’ung nguo d’a. Mam suma hata a hum zla ndata mi.

Marik 11:21

Pierre humam gum kayam zla ndata, mi de mi Jesus ala: Ma hat suma, ang gola. Tulum ma ang gum vunina, mi so wa woyo.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

Gat ta a hat á mbàd’id’a 29:28

Ma didina kur ayî mama ki hur mam ma zal ma gugulu’â, mi yozi woi yam ambas mazid’a, mi tchuguzi woi yam ambas sa dinga d’igi ei nga weizi ini na.

Hebre-na 10:27

Wani vama arâ ba wana: Ei nga djubi ki mandarâ sariya d’a nga d’i mbad’a hAlonid’a kaku d’a bibiliu d’a mba d’i ngal suma bei hum vun Alonina woid’a.

Hebre-na 12:17

Agi wagi ala bugola, mam halat ki simina ala abum mi b’e vunam kamu pî, abum mi min ndi, kayam Esau mi fe nga lovota á mbut hurum mbi.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.