Hebre-na 6:19 - Bible azumeina

¹⁹ Tin hur mei máma nga mi vei kä d’igi kawei ma valumba kä na na. Hur mei ma tin ma gagazi mama mi nga tchola ngingring nga mi kal lei bugol baru d’a ka ira kur gong nga kud’ora hAlona d’a akulod’a gak mi nde woi krovo kur yima a tinim iram vama.

Hebre-na 6:19 ပူးပေါင်းရင်းမြစ်များ

Sawal la giled’a 39:7

Gagazi, sana mi tit ni d’igi angusâ nga mi pret na; mi le sunda, mi kau tamî hawa yak; mi tok ahlena, nga mi we sama mba mi yozina d’i.

Sawal la giled’a 42:11

Tan tchuk wa susub’ok, ata yima man suma djangûna a nga mbud’un zulona ki zla mazi d’a ded’a burâ ki burâ ala: Alo mangâ, mi nga ni lara ge d’a.

Sawal la giled’a 42:5

Wani an nga ki djib’era ki hur ma hata ata yima an nga ni i adjeu ki suma ablaud’a kur gonga hAlonid’a kur bur ma vun tilâ á suburum á lum mersina.

Sawal la giled’a 43:5

An nga ni djop tan ala: Ni kayam me ba, an mbut hohoud’a hina ge? Ni kayam me ba, an djib’er hina ge? An tin hurun ni yam Alo mana, an mba ni gilem kua. Mam mi Alo man ma sud’una.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Sunda hi suma hi Levi-nid’a 16:15

Mi ngat mbekmberena á zlup yam tchod’a hablau sumid’a, mi i ki buzuna bugol baru d’a ka ira, mi le ki va máma d’igi mi le ki buzuna hamuhlîna na, mi yam buzuna yam yima we hohoud’a mi na, mi yamam ata abom ma avoroma mi.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Zakari 9:12

Agi suma dangei suma nga ki hur ma tindina, agi hulongôgi kur azì ma ad’eng ma ngunguna. An nga ni dagi ini, an mba ni wuragagi yan mbà.

Matiye 27:51

Gola! Baru d’a ka ir ra kur gong nga kud’ora hAlonid’a ti haû woi aduk mbà tcholï akulo dei gak ti tchuk kä, andagad’a ti yira, ahuniyôna a wak kei mi.

Sunda hi suma a sunuzinid’a 23:6

Wani kid’a Paul mi we suma b’ak zlad’a suma dingâ ni Sadusiyêna, suma dingâ ni Fariziyênid’a, mi de ki delem akulo aduk suma b’ak sariyad’a ala: B’oziyona, an ni ma Fariziyêna, gor vuta hi Fariziyênid’a mi. Ni kayam zla d’a tin hurâ ki tchola hi suma matnid’a ba, a yan ini ata yima ka sariyad’a wana.

Sunda hi suma a sunuzinid’a 27:29

Azi le mandarâ ala a mba dap ata ahinad’a. A tchuk kawei ma fid’i ma ve batod’a kä na kä andjau batod’a, a nga djup yima fod’a.

Sunda hi suma a sunuzinid’a 27:40

Azi but kawei ma ve batod’a kä na woyo, a aram sä kä aduk mbina. Azi but vama d’op batod’a woyo, a hle barud’a hi batod’id’a akulo aduk simetna, a i yam lesâ.

Romê-na 4:16

Kayam Alona mi hlum vunamî yam he gagazid’a, kayam ti ka’î d’igi he d’a hawa mamba na yam andjafâ hi Abraham-ma pet; nga ni yam suma a ge yazi kä ad’u gatina hol li, wani ni yam suma a he gagazid’a d’igi Abraham na na. Mam nabui pet,

Romê-na 4:18

Abraham mi nga ki vama tin hurâ d’uo pî, mi he gagazid’a á djup á mbut abu andjaf suma ablauna, d’igi Alona mi dum na ala: Andjavang mba mi zulî hina dedege.

Romê-na 5:4

ve tad’a nga d’i tchol ad’enga kur kuka, tchol la ad’enga kur kukid’a nga d’i mba ki tin hurâ mi.

1 Korente-na 13:13

Ki tchetchemba, ahlena hindi a nga: Gagazi d’a hed’a, hur ma tinda ki od’a. Wani ma kalazi ki ngolina ni od’a.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Efes-sâ 2:6

Mi zlabei tu ki Jesus Christ, mi tcholei akulo zlapa tu ki mam á kagei kur yima sä akulona.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 3:1

Alona mi tchologi akulo á kak karid’a zlapa tu ki Christ. Kayam ndata, ar agi halagi nahle suma sä akulona, ata yima Christ mi nga kaka kua ata Alona bigam mba ndjufina.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Hebre-na 4:16

Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.

Hebre-na 9:3

Bugol baru d’a ka ir mbàd’a, zlub’u d’a dinga nga. Hurut ma krovona, a yum ala Yima Alona mi tinim iram vam ma kal teglesâ.

Hebre-na 9:7

Wani ni ma ngol ma ngat buzuna hol ba, mi kal kur zlub’u d’a mbàd’a yam tu kur bizad’a. Mi kalî ki buzu ma mam ngad’am yam tcho mambina, yam tchod’a hi suma d’a a lat kur vitid’a mi.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.