Hebre-na 2:8 - Bible azumeina

⁸ Ang tin ahlena pet á ge yazi kä ad’umu. Ata yima Alona mi he sana ad’enga yam ahlena petna, vama mi aram mbei bei ge yam kä ad’uma nga d’i. Wani ki tchetchemba, ei wei ala ahlena pet a ge nga yazi kä ad’um mbuo tua.

Hebre-na 2:8 ပူးပေါင်းရင်းမြစ်များ

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 8:6

Ang im subur mamba akulo go d’igi d’a hi ang Alonid’a na, ang kulubum avaval la amula kamu, ang hum ngola mi.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Jean 13:3

Jesus mi wala Abum mi hum wa ahlena pet abomu, mam tcholï ni gevemu, nga mi hulong gevem mi d’a,

Jean 3:35

Abud’a nga mi le yam Goroma, mi hum ahlena pet abomu.

1 Korente-na 15:27

D’igi a de kur mbaktumba hAlonid’a na ala: Alo ma mi tchuk ahlena ki zlazi pet kä ad’u asema. Ata yima mi dala ahlena ki zlazi ped’u na, ei tei wei ala Alo ma mi tchugum ahlena ki zlazi pet kä ad’u asema, mi nga aduk ahle ndazina d’i.

Hebre-na 1:13

Alona mi de nga mi malaika mam tu ala: Ang kak ata bigan nda ndjufa, gak an mba ni mbut mang suma djangûna vama tin asengâ d’i.

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

Hebre-na 2:5

Kayam andaga d’a nga d’i mba d’a ami nga dami kat wanda, Alona mi hat nga ad’u ad’enga hi malaikanid’a d’i.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.