Hebre-na 2:17 - Bible azumeina

¹⁷ Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Hebre-na 2:17 ပူးပေါင်းရင်းမြစ်များ

2 Sunda Hamuleinid’a 29:24

Suma ngat buzuna a ngat mbekmbere suma kid’iziya ndazina, a vo buzuwazi yam yima ngal ahle suma ngat buzuna tala Alona mi vat hurum mbei yam Israel-lâ ped’u d’a, kayam amulâ mi he vuna ala a hahle suma ngat buzu suma ngala kahle suma ngat buzu suma zlup yam tchod’ina yam Israel-lâ pet.

Isai 11:5

D’ingêra mba d’i mbut ni d’ik ma mam djinim furuma, d’engzenga mba d’i mbut ni d’ik ma mam mba mi djinim ir tchuguluma mi.

Ezekiyel 45:15

Le ahok magina kur kangâna ni kikis mbà ni, agi vagi aduk tu, agi hagizi he d’a hawad’a mi. Agi hagi ahle ndazina he d’a hawa d’a afuta, he d’a hawa d’a ngat buzu d’a ngala d’oze he d’a hawa d’a ngat buzu d’a zlap darigïd’a kayambala an hurun vat tei yam tcho magid’a d’a. An Salad’a Ma didina ni de na.

Ezekiyel 45:17

Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Ezekiyel 45:20

Kur bur ma kid’iziyana hi til ma avo’îna, agi lagi d’igi agi lagi kur bur ma avo’â yam suma a le tchod’a bei min mazid’a bei wed’a ba na na mi. Hina wani, agi mba mbud’ugi gong man nda kud’ora yed’et.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Sunda hi suma hi Levi-nid’a 14:18

Mi vo mbulâ ad’um mba ar abomba yam sama mi mbut tam yed’et máma, mi zlubum yam tcho mamba avogon an Ma didina.

Sunda hi suma hi Levi-nid’a 16:16

Ni hina ba, mba mi mbut yima a tinim iram vam ma kal teglesâ yed’et yam ndjendjed’a hi Israel-lîd’a ki murud’um mazid’a ki tcho mazi d’a azi lata pet, mba mi le hina yam zlub’u d’a ngaf ta d’a nga adigazi azi suma ndjendjed’id’a.

Sunda hi suma hi Levi-nid’a 8:15

Moise mi ngad’amu, mi go buzuna, mi yamam akulo ki tchitchid’am tu keng yima ngal ahle suma ngat buzuna, mi nguyum mbei d’uhl á tinim iram vamu. Bugola, mi vo buzuna kä ata kawei ma kä ad’u yima ngal ahle suma ngat buzunina á tinim iram vam á le sun nda zlup yam tchod’id’a kua.

Ndumba 15:25

Hina wani, ma ngat buzuna mba mi zlup yam tchod’a hablaud’a hi Israel-lîd’a pet. An mba ni vat hurun ndei kaziya, kayam a le ni tcho d’a bei wat ad’uta. Azi mba ki he mazi d’a hawa d’a afut ta ngala á suburun an Ma didina ki vama azi hum á tchid’a yam tcho mazid’a avogon an Ma didina yam tcho mazi d’a azi lat bei wed’id’a.

Romê-na 15:17

Yam Jesus Christ, an nga ni subur tan yam sun man nda an nga ni lat yam Alonid’a.

Romê-na 5:10

Adjeu ei ni suma djangûna kAlona, wani matna hi Goromina mi zlabei darigïd’a ki mamu. Le Alona mi zlabei darigïd’a ki mam na ni, kal pet, mba mi sud’i woyo, kayam Goroma mi nga karid’a.

Efes-sâ 2:16

Ata mat mama ata agu ma b’alina, mi pleî zla d’a djangûna woyo, mi mbut suma mbàna sama tuna, mi zlabazi darigïd’a kAlona mi.

Kolos-sâ 1:21

Agi ni suma adjeu wala woi dei kAlonina. Kur djib’er magid’a agi ni suma djangû mama kur sun magi d’a tcho d’a led’a.

Hebre-na 10:21

Ei nga ki Ma ngol ma ngat buzu ma te yam gonga hAlonid’ina.

Hebre-na 2:11

Kayam Jesus ma mi mbut suma woi yed’et kur tcho mazid’ina ki suma mi mbud’uzi yed’etna, Abuzi ni tu. Kayam ndata, Jesus nga ki zulona á yazi b’oziyoma d’i.

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Hebre-na 2:16

Kayam mi mba ná ndjun malaikana d’i, wani d’igi mbaktumba hAlonid’a ti de na ala: Mi mba ná ndjun andjafâ hi Abraham-ma.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Hebre-na 3:2

Kayam ndata, mam mi Ma d’engzengâ avok Alo ma mi tinim á le sun ndatina d’igi Moise ni ma d’engzeng ma ndak vun sun mamba memet kur gonga hAlonid’a pet na mi.

Hebre-na 3:5

Wani Moise ni sama d’engzengâ kur gonga hAlonid’a pet, mi tinim á le sunda á de woi yam ahle suma Alona mba mi dazina.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Hebre-na 5:1

Kayam ma ngol ma ngat buzu ma lara pî a manam naduk suma á le sunda avok Alona kaziya. Mam nga mi he he d’a hawad’a kahle suma ngat buzuna yam tchod’a hi sumid’a.

Hebre-na 5:10

Ata yi máma, Alona mi yum ala mam mi Ma ngol ma ngat buzuna d’igi Melkisedek na.

Hebre-na 5:2

Mam tamba nga mi we hohowa suma bei wed’a ki suma vit teina, kayam mam tamba ni ma amangeîna.

Hebre-na 5:5

Hina mi, Christ mi subur nga tam á mbut ma ngol ma ngat buzuna yam tam mbi, wani Alona mi de woi kam ala: Angî Gorona, an vud’ung ini.

Hebre-na 6:20

Ni yima Jesus mi kal kua avok kei á ndjunina, kayam mi mbut Ma ngol ma ngat buzuna gak didin d’igi Melkisedek na.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Hebre-na 7:28

Kayam gata hi Moise-sa ti tin suma amangeîna suma nglona hi suma ngat buzunina. Wani gun nda Alona mi gun tam bugol gatid’a, ti tin Gorâ ngol ma ngat buzu ma ndak memetna gak didin.

Hebre-na 8:1

Zla d’a kal papa d’a ami dagizid’a ba wana: Ei nga ki ma ngol ma ngat buzu ma i kak sä akulo ata bik ka ndjufa hi zlam mba amula hAlo ma ad’eng ma kal papanina.

Hebre-na 8:3

Kayam ma ngol ma ngat buzu ma lara pî a nga tinim á he he d’a hawad’a kahle suma ngat buzuna avok Alona. Kayam ndata, ngol mei ma ngat buzuna, mbeî mi he vama ngat buzuna mi.

Hebre-na 9:11

Wani Christ mi mba d’igi ma ngol ma ngat buzuna hahle suma djivi suma a mba wa da na na. Zlub’u d’a mam nga mi le sun mam mba djivi d’a kal teglesa kuad’a, ni d’a bei sana mi minit kabomba, nala, ni vama yam andagad’a ka hina d’i.