Hebre-na 13:17 - Bible azumeina

¹⁷ Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

Hebre-na 13:17 ပူးပေါင်းရင်းမြစ်များ

Ad’u Tinda 16:9

Malaikana hi Ma didinina mi hulong dat ala: Ndak hulong gen salaka, ndak ge yak kä ad’ud’u.

Buzuk ka Abud’a 32:31

Moise mi hulong gen Ma didina, mi dum ala: Hiye! Sum ndazina a le wa tcho d’a ngola, a yora wa alo ma lora yam taziya.

Zla d’a d’ogolâ 5:13

An le ni nana ba, an hum vun suliyona d’uo ge? An le ni nana ba, an tin human á hum suma a had’ana d’uo ge?

Isai 62:6

Ndak Jerusalem, an tin wa suma ndjola yam gulumun ma’â. Azi mba ba vunazi falei d’oze andjege d’i; agi suma nga gagi hum Ma didina yam ahle suma a le ki Jerusalem-mina, agi tugugi tagi d’i.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Ezekiyel 33:2

Ang gor sana, ang ge hum Israel-lâ yam vama mba mi mba fata an mba ni tchol kayî ma durâ yam ambas sa dinga tu na. Suma kur ambas ndatina a mba man sana adigazi tu á kak ma ndjola kaziya.

Wana ni Zla d’a Djivi d’a Luc mi b’irita 16:2

Salama mi yumu, mi dum ala: Ni zla me an humut kang na ge? Ang ndumun ahle mana, ang dok kak sama ngom ahle mana d’uo d’a.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Romê-na 14:12

Ni hina ba, nge nge pî adigei mba mi mba ki zla mamba avok Alona.

1 Korente-na 16:16

Kayam ndata, an nga ni tchenegiya, ar agi gagi yagi kä ad’u suma hina na ki suma a nga le sunda zlapa ki sed’ezina pet mi.

Efes-sâ 5:21

Ar agi gagi yagi kä ad’u tagi d’igi agi gagi yagi kä avok Christ na mi.

Filip-ma 1:4

Kur tchen manda pet, an nga ni tchen Alona kagi ki furîd’a,

Filip-ma 2:12

Kayam ndata, buniyôn suma od’a, d’igi agi nga humun teteu na, nga ni iran hol li, wani ki tchetchemba an nga adigagi d’uo pî, ar agi lagi sunda yam sut magid’a ki mandarâ ki zlaka mi.

Filip-ma 2:16

á tagazi zla d’a arid’a woi abua. Le agi nga lagi hina ni, an mba ni subur tan kagi kur bur ma mbad’a hi Christ-sâ, tala ring mana ki sun man nda kaud’a a ba atan nduo d’a.

Filip-ma 2:29

Kayam ndata, agi vum atagi ki furîd’a yam Salad’a. Andjaf suma hina na, agi hazi ngola,

Filip-ma 3:18

Kayam suma dingâ ablaud’a a nga tid’a, ni suma an nga ni dagi zla mazid’a teteuna. Ki tchetchemba, an nga ni dagi kua ki simina iranu: Sum ndazina ni suma a kak djangûna ki matna hi Christ ma mi mit ata agu ma b’alina.

Filip-ma 4:1

Kayam ndata, b’oziyon suma od’a, an nga ni hat hurun ngola á wagiya, kayam agi ni furî manda ki subur manda. Buniyôn suma od’a, ar agi kagagi ngingring kur tit magid’a zlapa ki Salad’a.

2 Tasaloni’â 3:14

Sama ge nga yam kä ad’u zla d’a ami b’irit kur mbaktum mba wanda d’uo ni, agi gologi tagi djivi ki sed’emu. Ar agi zlabagi ki sed’em mbi, kayam zulona lumu.

1 Timote 5:17

Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.

Hebre-na 13:24

Agi gagi suma avorogina depa pet zlapa ki suma hAlonina pet mi. B’oziyoi suma Itali-na a gagi depa mi.

Hebre-na 13:7

Agi djib’eregi yam suma nglo suma avorogi adjeu suma a tchagi wal zlad’a hAlonid’ina. Agi djib’eregi yam tit mazid’a ki mat mazina, ar agi hlagi balum asezi yam he gagazi mazid’a.

Jacques 4:7

Agi gagi yagi kä avok Alona, agi tchologi ad’enga ngingring á noî Diable woyo. Hina wani, mba mi ring ngei dei ki sed’egiya.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

1 Samuel 8:19

Israel-lâ a hum nga zlad’a hi Samuel-la d’i, a dum ala: Hawa! Ami minimi namulâ mbeî,