Hebre-na 12:22 - Bible azumeina

²² Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Hebre-na 12:22 ပူးပေါင်းရင်းမြစ်များ

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Sawal la giled’a 48:2

Ma didina ni ma ngol ma mi ndak á giled’a kur azì mam ma ngol ma yam ahina mam mba a tinit irat vatina.

Sawal la giled’a 68:17

Wani ni kayam me ba, ndak ahina d’a yak fuyogeid’a ablaud’a heîd’a, ndak nga d’i le yungôrâ yam ahina d’a Siyon nda Alona mi manat á kak kuad’a ge? Gagazi, Ma didina mba mi kak kua gak didin!

Sawal la giled’a 84:2

Ma didin ma ad’engêng kal petna, gong manga djivi mata kal tegles.

Sawal la giled’a 87:3

Ang azina hAlonina, ahle suma azi dazi kangâ pet ni subura. Tchol ndjö

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Isai 51:16

An ni ma ni b’eng akulod’a woina, an ni ma ni gäd’u andagad’ina, an ni ma ni de mi suma Siyon-na ala: Agi ni sum mana na, an nga ni tining zla manda avunangû, an nga ni dugung kä kanguza abonu.

Isai 59:20

Ma didina mi dala: Ma wurak yam suma nga mi djï kur Siyon yam suma hi Jakob suma a ar tcho mazid’a woina.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 17:25

ata yi máma amuleina ki suma nglo suma a nga kaka yam zlam mba amula hi David-ta suma a nga kur pus ma dur ayîna d’oze a nga nga yam akulumeinina ki mazi suma nglona ki suma Juda-na ki suma a nga kaka avo Jerusalem-ma pet, a mba kal avun agre’â hazì mámina. Suma a mba kak kur azì máma burâ ki burâ mi.

Daniel 6:26

An he vuna kur leu manda pet ala: Ar nge nge pî mi le mandara Alona hi Daniel-lâ. Ar mi ge yam kä avorom mi, kayam mam mi Alo ma bei matna ba na. Ni ma nga kaka gak didina, leu mamba nga d’i b’lak kei d’i. Ni ma nga mi te leud’a gak dabid’a hatchogoid’ina.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Joel 2:32

Ata yi máma sama lara pî ma mba mi yi Ma didina á ndjunuma, mba mi fe suta, kayam a mba fe yima ngeid’a yam ahina d’a Siyon-nda avo Jerusalem yam suma a mba sutna d’igi Ma didina mi de na. Ni suma mam mba mi yazi á sutina.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Matiye 5:35

d’oze kandagad’a d’i, kayam ndat ni vama mi tin asem kama, d’oze ki Jerusalem mbi, kayam ndat nazì ma ngolâ hamul ma ngolîna.

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

Romê-na 9:26

Ata yima mi dazi ala: Agi ni sum mana d’uo na, ata yi máma, a mba yazi ala Alo ma bei matna groma.

Galat-na 4:26

Wani Jerusalem mba akulod’a ni gor vuta, ndat nasuya.

Efes-sâ 2:19

Kayam ndata, agi andjaf suma dingâ, agi nga ni suma woi dei kAlonina d’uo d’a, wani ki tchetchemba, agi mbud’ugi ni suma hAlonina ndrozina, agi ni suma avo hAlonina mi.

Gat ta a hat á mbàd’id’a 33:2

Mi dala: Ma didina mi tcholï yam ahina d’a Sinai-d’a, mi mba mi tak tam mbei kazi yam ahina d’a Seir-ra, mi b’o yina woi yam ahina d’a Paran-nda. Mi ndeï aduk malaika mam suma dudubuna, gat ta akud’a nga ved’a abom ma ndjufâ kaziya.

Gat ta a hat á mbàd’id’a 5:26

Ni nge ba, yam tu mi hum del Alo ma arina aduk akud’a d’igi ei na, mi nga ki iram ge?

Filip-ma 3:20

Wani eyâ, yei ma kaka mi sä nakulo, ata yima Salei Ma Suta Jesus Christ ma ei nga djubuma mi nga kuana.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

2 Timote 4:18

Salad’a mba mi pad’an ndei kur sun nda tcho d’a lara ge pet, mba mi sud’un á kalan kur leu mam mba akulod’a. Ni mam ma subura ni mamba gak didina. Amin!

Hebre-na 10:31

Ni vama mandar ma ngolâ á ndabo Alo ma arina.

Hebre-na 11:10

Kayam Abraham mi djup mi azì ma gum ad’um kä ad’enga ngingina. Alona ni ma ngam ad’uma, ni ma minima mi.

Hebre-na 11:16

Wani azi nga hat huruzi yam andaga d’a djivi d’a kala, nala, ta akulod’a. Kayam ndata, Alona nga mi le zulona kazi ata yima azi nga yum ala Alo mazina na d’i, kayam mam min wa azì ma ngolâ kazi da’.

Hebre-na 13:14

Kayam ei nga kazì ma ngol ma didina ka hî d’i, wani ei halei nazì ma ngol ma nga mi mbana.

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Josue 3:10

Mi dazi kua ala: Agi mba wagi woi ala Alo ma bei matna mi nga adigagiya, mba mi dik suma Kanan-na, suma Het-na, suma Hef-fâ, suma Peris-sâ, suma Girgas-sâ, suma Amor-râ ki suma Jebus-sâ woi avorogiya.

Jude 1:14

Enok nandjaf ma kid’iziyana hi Adam-ma, mi djok vuna woi avok kazi ala: Agi humugiya! Salad’a nga mi mba ki malaika mam suma a tinizi irazi vazina dudubu dogo

Vama ndum mbeina 14:1

An we Gor timina mi nga tchola yam ahina d’a Siyon-nda. Suma a nga ki sed’em dudubud’a kis yam dudubud’a dok fid’i yam dudubud’a fid’i mi, ni suma simiyêm ki simiyê Abum a nga b’ira avorozina.

Vama ndum mbeina 21:10

Muzu’â hAlonina mi vanu, malaikana mi i ki sed’en akulo yam ahina d’a fiyak ka ked’iwurenga. Mi tagan azì ma ngol ma Alona mi tinim iram vama, ni Jerusalem mba tcholï akulo gen Alona d’a tchugï aset kä d’a.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.

Vama ndum mbeina 22:19

Le sama nga mi pat zla d’a a djogot vunat tei kur mbaktum ndatid’a woyo ni, Alona mba mi d’elem bei te vud’agu ma he arid’ina, mba mi d’elem bei kal kur azì ma ngolâ hAlonina, d’igi a b’ir kur mbaktum ndata na mi.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

Vama ndum mbeina 7:2

An we malaika ma dingâ mi djagï akulo abo ma yorogona, mi nga ki geuna hAlo ma arina abomu. Mi de ki delem akulo mi malaika suma fid’i suma a hazi ad’enga á b’lak andagad’a kalum ma ngolâ woina ala: