Hebre-na 12:18 - Bible azumeina

¹⁸ Agi mbagi nga ni go kahinad’a d’igi Israel-lâ na d’i. Nahina d’a Sinai d’a suma a ndak á dot ta nga d’i ngal akud’a bibiliud’a, ni yima wurana ki nduvun nda i’îlika ki babar ma ndundulâ

Hebre-na 12:18 ပူးပေါင်းရင်းမြစ်များ

Buzuk ka Abud’a 20:18

Israel-lâ pet a hum breîd’a halonid’a ki tchina hadifina, a we wiled’a kandos ma nga mi d’us yam ahinad’ina, a nde zlaka abo ahle ndazina, a tchol sä woi hina dei.

Buzuk ka Abud’a 24:17

Subura hi Ma didinid’a ti nde woi ir Israel-lâ ni d’igi sin aku d’a nga d’i ngal akulo yam ahinad’id’a na.

Romê-na 6:14

Ar tchod’a ti te leud’a kagi d’i, kayam agi nad’u gata d’i, wani agi nad’u sumad’a hAlonid’a.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

2 Korente-na 3:7

Gat ta a b’irit ni kur tablo ma ahina d’a bebed’e d’a tchetid’a, subura hAlonid’a nga d’i b’o kua gak Israel-lâ a ndak á gol ir Moise abo wile d’a iramba d’i. Wani wile ndata nga d’i kal leyo. Le gat ta sun mata i sana kur matnid’a nde ki subura na ni,

2 Korente-na 3:9

Le sun nda ka sariyad’a yam sumid’a a nga suburud’u ni, sun nda mbut suma d’ingêr avok Alonid’a a mba suburut kala.

Gat ta a hat á mbàd’id’a 4:11

Agi hud’ugi tchologi kä ad’u ahinad’a. Ahinad’a ti vakud’a, sin akud’a nga d’i ngal gak i akulo hur alona. Nduvunda nga, d’ugula nga, andosâ mi tin d’ugula ndus mi.

Gat ta a hat á mbàd’id’a 5:5

Ata yi máma an tchol adigagi ki mam á dagi zla mamba, kayam agi lagi mandarâ abo akud’a, agi djagagi nga akulo yam ahinad’a d’i. Mi dagi ala:

2 Timote 1:7

Kayam Alona mi hei nga ni Muzuk ma mandarâ d’i, wani mi hei ni Muzuk ma mi hei ad’enga ki od’a ki ned’ina.