Hebre-na 11:9 - Bible azumeina

⁹ Ni yam he gagazid’a ba, mi kak yam andaga d’a Alona mi hlum vunam kata d’igi angeina na. Mi kak kur zlub’ud’a. Bugola, Isak azi ki Jakob a kak kur zlub’ud’a mi; ni suma zlapa ki sed’em tu yam vun ma hled’a hAlonina.

Hebre-na 11:9 ပူးပေါင်းရင်းမြစ်များ

Ad’u Tinda 12:8

Bugola, mi tcholï kolâ, mi mba yam ahuniyô suma Betel-lâ abo ma yorogona, mi ve zlub’u mamba ata yi máma aduk Betel ki Aï, Betel abo ma fladegena, Aï abo ma yorogona mi, mi min yima ngal ahle suma ngat buzuna mi Ma didina, mi tchen ki simiyêm mi.

Ad’u Tinda 13:18

Ata yi máma Abram mi hô zlub’u mamba, mba mi kak ad’u agu ma nglona hi Mamre ma nga Hebron-na, mi min yima ngal ahle suma ngat buzuna mi Ma didina kua.

Ad’u Tinda 13:3

Mi tcholï abo ma Negef-fâ, mi i nde nde gak mi mbaza Betel ata yima mi ve zlub’ud’a kua avo’â, aduk Betel ki Aï.

Ad’u Tinda 17:8

Andaga d’a ang kak mbeid’a kata, nala, andaga d’a Kanan-nda pet, ni mi ang kandjavangû, mba d’i mbut ni magid’a ki iragi fafat; an mba ni arî Alo mazina mi.

Ad’u Tinda 18:6

Ata yi máma Abraham mi hulong kur zlub’u mamba atogo zak, mi de mamamba Sara ala: Ndak nga afut ta adiged’id’a hur angota hindi, ndak yavuna atogo zak.

Ad’u Tinda 18:9

Azi djop Abraham ala: Amanga Sara ti nga ni lara ge? Mi dazi ala: Ti nga kur zlub’ud’a.

Ad’u Tinda 21:34

Abraham mi kak ngola yam andaga d’a Filistê-d’a.

Ad’u Tinda 23:4

An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.

Ad’u Tinda 25:27

Kid’a gro ndazina a djenga, Esau mi mbut sama nduwan ma tchahlena heîna; Jakob ni sama iram si’â, mi ni kaka kä avo.

Ad’u Tinda 28:4

Alona mi b’e vunam kang kandjavang d’igi mi b’e vunam yam Abraham hina, kayam ang te yam andaga d’a ang nga kaka kat angeina wanda d’a Alona hat mi Abraham-mba.

Ad’u Tinda 31:25

Laban mi fe Jakob mi ve wa zlub’u mamba yam ahinad’a. Laban azi ki b’oziyoma a ve zlub’u mazid’a yam ahina d’a Galät-ta mi.

Ad’u Tinda 35:27

Jakob mi mba avo habum Isak avo Mamre go ki Kiriyat-Arba, nala, Hebron; ni yima Abraham azi ki Isak a kak kua adjeuna.

Ad’u Tinda 36:7

Kayam ahle mazina zul ngola, azi ndak á kak ata yima tuna d’i; andaga d’a azi kak kata ndagazi nga yam d’uwar mazina d’i.

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

Sawal la giled’a 105:12

Kur atchogoi ndata, azi ni hina kendjine, azi suma mbeid’a a ni hina kap mbà ganang.

Jeremi 35:7

Agi mba minigi azì d’oze zaragi andjaf ma ding tu d’oze pagi guguzlud’a d’oze agi mba kagagi ki va tu d’i. Wani agi mba kagagi ni kur zlub’ud’a ata yima agi nga ki iragi yam andagad’ina pet tala agi tagi tatâ yam andaga d’a agi mba kagagi angoyogeina kata d’a.

Hebre-na 6:17

Alona mi min tak min mamba woi mi suma a mba ve vama mi hlazi vunam kam ma bei mbutina. Hina, mi gunuzi tam mi.