Hebre-na 11:38 - Bible azumeina

³⁸ Duniyad’a ndak nga yam sum ndazi suma a nga tcha tata hur fulâ, yam ahuniyôna, angra ahuniyôna, kä kur zula mi na d’i.

Hebre-na 11:38 ပူးပေါင်းရင်းမြစ်များ

1 Amuleina 17:3

Ang tchola, ang i irang abo ma yorogona, ang i ngei tang avun toliyon nda Kerit-ta abo ma yorogona halum ma Jurdê-nina.

1 Amuleina 18:13

Na ni salana, sa mi dang nga yam ahle suma an lazi ata yima Jezabel ti tchi suma djok vuna hi Ma didinina woina d’uo zu? An ngei suma djok vun Alona kis, an walazi dok vahl dok vahl kur zul ahinad’a mi, an hazi tena ki mbina mi d’uo zu?

1 Amuleina 18:4

Ata yima amula Jezabel ti tchi suma djok vuna hi Ma didinina, Obadiya mi sut suma dingâ kis, mi ngeyezi kur zul ahinad’a dok vahl dok vahl, mi hazi tena ki mbina ata yi máma mi.

1 Amuleina 19:9

Ata yi máma Elie mi kal kä kur zul ahinad’a á burâ. Ata yi máma Ma didina mi dum ala: Elie, ang mba ka hî le ni me ge?

Isai 57:1

Wani ma d’ingêrâ nga mi ba woyo, sama mi djib’er yam zla ndatina nga d’i. Suma djivina a nga yozi woyo, wani sama mi wad’ud’a ala a hle sama d’ingêrâ woi ná prud’um mbei kur asa’ata na nga d’i.

Jeremi 41:9

Golong nga adjeu d’a Ismael mi tchuk mad’a suma mi tchazina kua gen Gedaliya-d’a, ni golong nga amulâ Asa mi kat ata yima mi dur ayîna ki Bäsa amul ma Israel-lîna. Ismael Netaniya goroma mi oyôt tei ki mad’a suma.

Suma ka sariyad’a 6:2

Suma Madiyan-na a nga djop vun Israel-lâ ngola. Kayam ndata, Israel-lâ a i ngei tazi angra ahuniyôna, kur zul ahuniyôna akulo yam ahuniyô suma fuyogeina abo suma Madiyan-na.

1 Samuel 22:1

David mi tchol Gat, mi i ngei tam kur zul ahina d’a Adulam-mba. B’oziyoma ki suma avo habuma pet a huma, a i gevemu.

1 Samuel 23:15

David mi wala Saul nga mi halam á tchid’a. Mi nga ngeid’a abagei aduk agud’a hur ful ma Zif-fâ.

1 Samuel 23:19

Suma Zif-fâ a i gen Saul avo Gibeya, a dum ala: David yam ma ngeid’a mi nga nadigami aduk agud’a yam yima nding ma Hakila ma nga hur fulâ abo ma sutnina d’uo zu?

1 Samuel 23:23

Agi halagi ad’ud’a, agi wagi yima mi ngei kuana. Bugola, agi mbeyegi geven ki zla d’a irata, an mba ni i ki sed’egiya. Mi le nga ni kur ambasa ni, an mba ni halam aduk ablau d’a Juda-d’a pet.

1 Samuel 26:1

Suma Zif-fâ a i gen Saul avo Gibeya, a dum ala: David mi ngei nga yam yima nding ma Hakila ma abo ma hur fulîna.