Hebre-na 11:32 - Bible azumeina

³² An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.

Hebre-na 11:32 ပူးပေါင်းရင်းမြစ်များ

Sawal la giled’a 99:6

Moise azi ki Aron a nga aduk mam suma ngat buzuna, Samuel mi nga aduk suma a yum simiyêma mi. A yi Ma didina, mi humuzi mi.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Wana ni Zla d’a Djivi d’a Luc mi b’irita 13:28

Agi mba tchigiya, agi mba mud’ugi siyagi ata yima agi mba wagi Abraham azi ki Isak ki Jakob ki suma djok vun Alona pet suma a nga kur leud’a hAlonid’ina, wani agi tagid’a a mba tchugugi woi abua.

Wana ni Zla d’a Djivi d’a Luc mi b’irita 16:31

Abraham mi hulong dum ala: Le azi hum Moise azi ki suma djok vun Alona d’uo ni, sana le mi tchol akulo aduk suma matna pî, azi mba humum mbi.

Jean 21:25

Ahle suma ding suma Jesus mi lazina, a nga ngola. Ladjï a b’irizi tutu ped’u ni, an djib’er ala yima kur duniyad’ina pî, nga mi ndak yam mbaktum mba teteng nga a b’irita d’i.

Sunda hi suma a sunuzinid’a 10:43

Suma djok vun Alona pet a le glangâsâ kam ala nge nge pî ma he gagazid’a kama, Alona mba mi vat hurum mbei yam tcho mamba ki simiyêmu.

Sunda hi suma a sunuzinid’a 13:20

A kak kur d’igi bizad’a kikis fid’i yam dok vahl na. Bugol biza ndata, mi hazi suma ka sariyad’a gak mba kur atchogoid’a hi ma djok vun Alona Samuel-la.

Sunda hi suma a sunuzinid’a 3:24

Gagazi, suma djok vun Alona pet suma a de zlad’a adjeuna, tinï ad’ud’a ata Samuel ki suma a mba blogoma, a de zlad’a yam bur ma tchetchem wana mi.

Romê-na 3:5

Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.)

Romê-na 4:1

Ei mba dei yam abui ngolo Abraham ma kur hliunina ala mi fe ni me ge?

Romê-na 6:1

Kayam ndata, ei mba dei nana ge? Ei mba i avogovok kur tchod’a kayam sumad’a hAlonid’a ti zula zu?

Romê-na 7:7

Kayam ndata, ei mba dei nana ge? Gata ni tchod’a zu? Nga na d’i! Wani gata ti tagan tcho manda. Ladjï gata ti dala: Ang le d’od’oka d’i d’uo ni, an ndak á we d’od’oka d’i.

Jacques 5:10

B’oziyona, ar agi djib’eregi yam suma djok vun Alona suma a de zlad’a ki simiyê Ma didinina. Ar agi hlagi balum asezi ki ve tad’a ki d’engzenga kur ndaka.

2 Pierre 1:21

Kayam zla d’a suma djok vun Alona a data ti mba nga nata minda hi sa d’i, wani ni Muzuk ma bei tchod’a ba na ba, mi zud’uzi ni mam á de zla d’a tcholï ata Alonid’a woyo.

2 Pierre 3:2

An min agi djib’eregi yam zla d’a suma djok vun Alona suma mi tinizi irazi vazina a dat adjeud’a ki vun ma hed’a hi Salei ma sut ma magi suma a sunuzina a had’agizina.

Suma ka sariyad’a 13:24

Atchad’a hi Manowa-d’a ti vut gor mandjufâ, a yum ala Samson. Mi djengâ, Ma didina mi b’e vunam kamu.

Suma ka sariyad’a 15:20

Samson mi kak ma ngolâ avok Israel-lâ ata yima Filistê-na a nga te leud’a kazina gak bizad’a dok mbà.

Suma ka sariyad’a 4:1

Bugol matna hi Ehut-na, Israel-lâ a nde le sun nda ding nga Ma didina tam nga d’i lum djivi kat tuo d’a.

Suma ka sariyad’a 6:1

Israel-lâ a hulong le sun nda ding nga Ma didina tam nga d’i lum djivi kat tuo d’a. Ma didina mi hazi woi abo suma Madiyan-na gak bizad’a kid’iziya.

Suma ka sariyad’a 6:11

Malaikana hi Ma didinina mba mi kak ad’u agu sena hi Jowas ma ad’u adesâ hi Abiyezer-râ avo Ofra. Goroma Zedeyon mi nga mi to awuna ata yima a miret guguzlud’a kuana á ngeyem abo suma Madiyan-na.

Suma ka sariyad’a 6:14

Ma didina mi mbut iram atam mi dum ala: Ang i kad’eng nga ang nga ki sed’eta, ang mba sut Israel-lâ woi abo suma Madiyan-na. Ni an ba ni sunung nguo zu?

1 Samuel 1:20

Kur biza ndata, ti ve wirâ, ti vut gorâ, ti yum ala Samuel, nala, An tchenem nabo Ma didina.

1 Samuel 12:11

Ata yi máma Ma didina mi sunï Zedeyon, Bedan, Jefte ki an tan Samuel á pad’agi woi abo magi suma djangû suma a nguyugina. Ni kayam ndata ba, agi kagagi ki halasa kur ambas ndata wana.

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.

1 Samuel 16:13

Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

1 Samuel 17:45

David mi hulong dum ala: Ang mbei atan ki mbigeu d’a fiyaka ki djamba kasapa; an mba atang durâ ni ki simiyê Ma didin ma ad’engêm kal petna, Alo ma b’ranga hi Israel ma ang nguluma.

1 Samuel 2:11

Bugol ahle ndazina, Elkana mi hulong avo hatam Rama, wani goroma Samuel mi ar sä avo Silo á le sunda mi Ma didina abo ma ngat buzuna Eli.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

1 Samuel 2:4

Grang suma dur ayîna, agu yeû mazid’a kus seyo, wani suma amangeîna a fad’enga á durâ.