Hebre-na 11:29 - Bible azumeina

²⁹ Ni yam he gagazid’a ba, Israel-lâ a djak alum ma ngol ma Tchereuna d’igi yima sod’a na. Wani ata yima Ezipte-na a kuk á led’a hina na, mbina mi hlubuzi kä.

Hebre-na 11:29 ပူးပေါင်းရင်းမြစ်များ

Nehemi 9:11

Ang wal alum ma ngolâ woi avoroziya, azi djagam kasezi sod’a tchitching, wani suma a nga digizi blogozina, ang sirizi kä aduk galileina d’igi ahinad’a sir kä aduk mbina na.

Sawal la giled’a 66:6

Mi so alum ma ngolâ woyo, a djak alum ma Jurdê-na kaseziya. Ata yi máma, ami lami furîd’a kamu.

Sawal la giled’a 78:13

Mi wal alum ma ngolâ woi aduk mbà kayam azi djak keyo, mi tchol mbina akulo gongzong d’igi sana mi ge damana na.

Buzuk ka Abud’a 14:13

Moise mi hulong de mi Israel-lâ ala: Agi lagi mandar ri, agi kagagi ata yagi hina djang, agi mba wagi ini sut ta Ma didina mba mi sud’ugi inid’a. Kayam Ezipte suma agi wazi ini wana, agi mba wazi bugol luo d’a.

Buzuk ka Abud’a 14:22

Israel-lâ a tchuk kä kur alum ma ngolâ kasezi sod’a tchitching. Mbina mi tchol lei ata abozi ma ndjufâ kabozi ma gulana d’igi gulumuna na mi.

Buzuk ka Abud’a 14:27

Moise mi hlabom akulo yam alum ma ngolâ. Kid’a yina ar go á fod’id’a, alum ma ngolâ mi hulongî kusa kä blangâm kad’enga bindit! Ezipte-na a nde tcha ringâ tata abo hep pa mi hebezi ped’eta. Wani Ma didina mi zud’uzi kä kur alum ma ngolâ atogo zak.

Josue 2:10

Kayam ami humumi ala kid’a agi buzugugï woi kur Ezipte-d’a, Ma didina mi so alum ma ngol ma Tchereuna woi avorogiya. Bugola, ami humumi zla d’a agi lat kamulei suma Amor suma mbà suma a nga te leud’a sä abo alum ma Jurdê-na woi hina, nala, Sihon azi ki Ok suma agi tchazi woi bei wazi hohowozi ba na.