Hebre-na 11:26 - Bible azumeina

²⁶ Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

Hebre-na 11:26 ပူးပေါင်းရင်းမြစ်များ

Sawal la giled’a 37:16

Vama ngiyeû ma nga abo sama d’ingêrîna djivid’a ngola kal vama ngol ma nga abo sama asa’atnina.

Sawal la giled’a 69:20

Ang we ngul la azi nga ngulunda, ang we mbut ta azi nga mbud’un zulonid’a, ang we mang nga azi nga mangân ndeid’a, ang we man suma djangûna pet mi.

Sawal la giled’a 69:7

Salad’a, Ma didin ma ad’engêng kal petna, ar suma a tin huruzi kangâ a mbut zulona kan ndi; Alona hi Israel-lîna, ar suma a nga halangâ a mang ngei kayam an nduo mi.

Zla d’a d’ogolâ 11:18

Sama asa’atna mi fe ni mbiyo ma mbut ira, wani sama nga mi zar d’ingêrîna, mi fe ni wurak ka gagazid’a.

Zla d’a d’ogolâ 23:18

Wani burâ nga mi mba, hur mang ma tinda mba mi dap pei hawa d’i.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Matiye 10:41

Sama ve ma djok vun Alona ki simiyê ma djok vun Alonina, mba mi fe ni wurak ka a mba hat mi ma djok vun Alonid’a mi. Sama ve sama d’ingêrâ ki simiyê sama d’ingêrîna, mba mi fe ni wurak ka a mba hat mi sama d’ingêrîd’a mi.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Matiye 6:1

Jesus mi had’azi kua ala: Agi gologi tagi djiviya, ar agi lagi sun magi d’a djivid’a ni ir suma go d’i. Le agi lagi na ni, agi mba fagi wuraka abo Abugi ma sä akulona d’i.

Wana ni Zla d’a Djivi d’a Luc mi b’irita 14:14

Ang mba le furîd’a, kayam azi nga ki vama a hangzi balum mbi. Alona mba mi wuragang kur bur ma a mba tchol suma d’ingêrâ akulona.

Wana ni Zla d’a Djivi d’a Luc mi b’irita 14:33

Ni na mi, nge nge pî adigagi le mi ar ahligiyem mbei pet tuo ni, mi ndak á kak man ma hata d’uo mi.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Filip-ma 3:7

Wani ahle suma an fe wa mbina kuana, an golozi ni d’igi ahle suma hawana na yam Christ.

Hebre-na 10:33

Bur ma dingâ suma a ngulugiya, a lagi ndaka avok suma mi. Bur ma dingâ agi ni suma suma a lazi ndaka hina na ndrozina mi.

Hebre-na 10:35

Ar tagi tchuk lus yam vama agi tinigi hurugi kama d’i, kayam wurak mamba nga ngola.

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Hebre-na 13:13

Kayam ndata, ei i gevem bugol azina, ei vei tei kur lasa d’igi mam na mi.

Hebre-na 2:2

Le zla d’a malaikana tchat walata ni zla d’a irata, le sama lara ma tchila kat toze mi sot vunatna mba mi fe wurak mam mba ndaka,

1 Pierre 1:11

Muzu’â hi Christ ma nga kuruzina, mi tagazi ndaka hi Christ-sa woi ki subur mam mba mba bugola. Kayam ndata, azi so tazi á wad’ud’a yam atchogoid’a hi mba mambid’a kahle suma a mba le ata yi mamina mi.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.

Wana ni mbaktum mba a b’irit yam Rut-ta 2:12

Ar Ma didina mi wuragak yam djivi mak ka ndak lata; ar Ma didina Alona hi Israel ma ndak mba á ngei tak atama, mi wuragak ngola!