Hebre-na 11:16 - Bible azumeina

¹⁶ Wani azi nga hat huruzi yam andaga d’a djivi d’a kala, nala, ta akulod’a. Kayam ndata, Alona nga mi le zulona kazi ata yima azi nga yum ala Alo mazina na d’i, kayam mam min wa azì ma ngolâ kazi da’.

Hebre-na 11:16 ပူးပေါင်းရင်းမြစ်များ

Ad’u Tinda 26:24

Ma didina mi nde tam mbei iram kur andjege ndata, mi dum ala: An nAlona habung Abraham-ma; ang le mandar ri, kayam an nga ki sed’engû. An mba ni b’e vunan kangû, an mba ni zulung andjavang ngola yam azong mana Abraham.

Ad’u Tinda 28:13

Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû.

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Buzuk ka Abud’a 3:6

Mi dum kua ala: Ni an Alona habungâ, Alona hi Abraham-ma, Alona hi Isa’â, Alona hi Jakob-ma mi. Moise mi zlup ahlena iramu, kayam nga mi le mandarâ á gol Alona.

Buzuk ka Abud’a 4:5

Ma didina mi dum kua ala: Ang i le hina, wani azi mba he gagazid’a kang ala an Ma didina Alona habuyozi ngolona, Alona hi Abraham-ma, Alona hi Isa’â, Alona hi Jakob-ma, ni nde tan ndei irangû.

Jeremi 31:1

Ma didina mi dala: Fata yina ndaka, an mba ni arî Alona handjafâ hi Israel-lîna pet, azi tazid’a a mba mbut ni sum mana mi.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Marik 12:26

Wani kayam zlad’a hi suma mat suma a mba tcholozi akulonid’a, agi ndumugi nga kur mbaktumba hi Moise-sa, ata yima mi de yam awei-avirina d’uo zu? D’igi Alona mi dum na ala: An nAlona hi Abraham-ma, Alona hi Isa’â, Alona hi Jakob-ma mi.

Marik 8:38

Kayam nge nge pî ma le zulona kan an ki zla manda aduk suma tcho bei d’ingêr suma kur atchogoi d’a wandina, fata an Gor Sana mba ni mbeï kur subura hAbunda ki malaika suma mi tinizi irazi vazina, an mba ni le zulona kam mi.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Wana ni Zla d’a Djivi d’a Luc mi b’irita 20:37

Wani Moise mi de woi pid’ak yam tchola hi suma matnid’a. Ata yima mi b’ir yam awei-avirinina, Moise mi yi Salad’a ala Alona hi Abraham-ma, Alona hi Isa’â, Alona hi Jakob-ma mi.

Jean 14:2

Kur azina hAbuna yima kaka nga ngola. Ladjï na d’uo ni, an dagiya wa. An nga ni i á min yina kagiya.

Sunda hi suma a sunuzinid’a 7:32

An nAlona habuyong ngolona, an nAlona hi Abraham-ma, Alona hi Isa’â, Alona hi Jakob-ma mi. Moise mi nde zlaka abo mandarâ, mi ndak á gol iram abo máma d’i.

Filip-ma 3:20

Wani eyâ, yei ma kaka mi sä nakulo, ata yima Salei Ma Suta Jesus Christ ma ei nga djubuma mi nga kuana.

2 Timote 4:18

Salad’a mba mi pad’an ndei kur sun nda tcho d’a lara ge pet, mba mi sud’un á kalan kur leu mam mba akulod’a. Ni mam ma subura ni mamba gak didina. Amin!

Hebre-na 10:34

Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina.

Hebre-na 11:10

Kayam Abraham mi djup mi azì ma gum ad’um kä ad’enga ngingina. Alona ni ma ngam ad’uma, ni ma minima mi.

Hebre-na 11:14

Azi suma a nga de hina na a tak kei ala azi halî ambas mazid’a.

Hebre-na 11:40

Kayam Alona mi min nga vama djivi ma kalâ keya, bei ei ba ni, azi ndak á ndak memet ti.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Hebre-na 13:14

Kayam ei nga kazì ma ngol ma didina ka hî d’i, wani ei halei nazì ma ngol ma nga mi mbana.

Hebre-na 2:11

Kayam Jesus ma mi mbut suma woi yed’et kur tcho mazid’ina ki suma mi mbud’uzi yed’etna, Abuzi ni tu. Kayam ndata, Jesus nga ki zulona á yazi b’oziyoma d’i.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.