Hebre-na 10:39 - Bible azumeina

³⁹ Wani ei nga naduk suma a nga hulong bugol á bad’a woina d’i, wani ei naduk suma a he gagazid’a suma a nga kur lovot ta sutina.

Hebre-na 10:39 ပူးပေါင်းရင်းမြစ်များ

Sawal la giled’a 44:18

Ahle ndazina a mba kami hina pet pî, ami marang nga d’i, ami tchilami nga yam vun mang ma djinda d’uo mi.

Zla d’a d’ogolâ 1:32

Kayam vita hi suma bei wäd’u zlad’a ba na nga d’i tchaziya, bei djib’era hi suma lilid’id’a nga d’i bazi woi mi.

Zla d’a d’ogolâ 14:14

Sama bateina mba mi fe ndaka yam sun mamba, wani sama djivina mba mi hop kahle suma avo hatama mi.

Marik 16:16

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

Wana ni Zla d’a Djivi d’a Luc mi b’irita 11:26

Wani mi i yoï muzuk ma tcho ma dingâ kid’iziya ma kalam ki tchod’ina, a tchuk kur gong ndata, a kak kua. Sa máma tcho mam mba dananda mba d’i kal la avoka.

Jean 17:12

Kid’a an nga ki sed’ezid’a, an ngomozi ki simiyêng ma ang handjina, an nga ni ngomozi mi. Sa adigazi tu ba nga woi d’i, ni ma a tinim á bad’a woina hol, kayam zla d’a a b’irit kur mbaktum mangid’a ti ndak memet.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

1 Tasaloni’â 5:9

Kayam Alona mi yï woi ná fe ndaka ad’u ayî mama d’i, wani ná fe suta yam Saleina Jesus Christ

2 Tasaloni’â 2:3

Kayam ndata, ar sa lobogi ki zla d’a ding ngi. Kayam avok bur máma bei mba tua d’a, ablau suma a mba ar lovota hAlonid’a woyo, Ma tchona mba mi nde tam mbei ir suma, ni ma nga kam á bad’a woina.

1 Timote 6:9

Wani suma a hal ndjondjoîd’ina a nga nde kur kuka, a nga ve ki dauna, a nga ve ki d’od’ok ka lili d’a tchod’a ablaud’a yam ahle suma a sir suma kä kur b’laka ki bad’ina.

Hebre-na 10:26

Le ei nga ngei huri á i avogovok kur tcho d’a led’a ata yima ei wei ad’u gagazid’a da na ni, ngat buzu ma ding ma yam tcho meid’ina nga d’uo d’a.

Hebre-na 10:38

Sa man ma d’ingêrâ mba mi kak karid’a ni yam he gagazid’a. Wani le mi hulong bugolo ni, tan mba d’i lan djivid’a kam mbi.

Hebre-na 11:1

He gagazid’a ni vama tak kei ala, vama ei tini huri kama mi gagazi. Vama ei wum nga ki irei d’uo na mi nga gagazi mi.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

2 Pierre 3:7

Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

1 Jean 5:5

Sama kus yam duniyad’a ni nge ge? Ni ma he gagazid’a ala: Jesus nAlona Goroma na hol.

Vama ndum mbeina 17:11

Ambur ma adjeu dei ma mi nga ki tchetchemba d’uo na, mam tamba namul ma klavandina. Mam tamba ni ma aduk suma kid’iziya suma avo’â, ni ma i kur ba mambina.

Vama ndum mbeina 17:8

Ambur ma ang wum adjewe ki tchetchemba mi nga d’uo na, nga mi ndeï woi kur zul la yiyika á i kur ba mamba. Suma yam andagad’a suma a fazi nga simiyêzi b’ira kur mbaktum mba arid’a avok dei bei ad’u tinda hi duniyad’a d’uo na, a mba le atchap ata yima azi wambur mámina, kayam mi nga adjewe, ki tchetchemba mi nga d’i, wani mam mba mi ndeï woi kua d’ei.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.