Hebre-na 10:22 - Bible azumeina

²² Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

Hebre-na 10:22 ပူးပေါင်းရင်းမြစ်များ

1 Amuleina 15:3

Abiyam mi le tchod’a d’igi abum na, mi le nga yam Ma didina Alo mama ki hurum tu d’igi abum ngolo David na d’i.

1 Sunda Hamuleinid’a 12:33

Suma ad’u andjafâ hi Zabulon-na a ni 50.000, ni suma a min tazi á i durâ kahle suma sï suma lara ge petna, ni suma a min tazi á i durâ ki hur ma tunina mi.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Sawal la giled’a 111:1

Agi gilegi Ma didina! An mba ni gile Ma didina ki hurun pet aduk toka hi suma d’ingêrîd’a.

Sawal la giled’a 119:10

An nga ni halang ki hurun pet; ar an d’es sei yam vun mang ma hed’a d’i!

Sawal la giled’a 119:145

Ma didina, an nga ni yang kad’engên pet; ang humunu, kayam an ngom gat manga.

Sawal la giled’a 119:2

Suma a nga ngom vun mam ma hed’a suma a nga halam ki huruzi petna, a le furîd’a mi.

Sawal la giled’a 119:34

Ang han ned’a kayambala an tit yam gat manga, an ngomot ki hurun pet mi d’a.

Sawal la giled’a 119:58

An nga ni halang ki hurun pet á lang tang djivid’a; ar ang b’e vunang kan d’igi ang hle vunang na.

Sawal la giled’a 119:69

Suma yam mba ad’enga a nga togon zla d’a kad’a kanu, wani an nga ni ngom gat manga ki hurun pet.

Sawal la giled’a 119:7

Ata yima an mba ni hat nga hur mang ma iratnina, an mba ni gileng ki hurun ma tuna.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

Sawal la giled’a 32:11

Agi suma d’ingêrâ, agi lagi furîd’a yam Ma didina, agi lagi hur ma hapma; agi suma pet suma bei tchod’a kurugina, agi eregi ad’ugi akulo ki furîd’a.

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

Sawal la giled’a 73:28

Wani vama lan tan furîd’ina, ni d’ala an hut go geveng ang Alona d’a. Salad’a, Ma didina, an tin hurun ni kayam ang á de zla sun nda ang lata woi pet.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Sawal la giled’a 9:1

Ni sawal la David mi hlat kahle suma bud’a mi hat mi ma ngolâ hi suma hle sawalina.

Sawal la giled’a 94:15

Ang mba hulong ka sariya d’a d’ingêra; suma huruzi tuna a mba le sunda kat mi.

Buzuk ka Abud’a 29:4

Ang mba ki Aron azi ki groma avun zlub’u d’a ngaf tad’a, ang dazi ala a mbus abozi kasezi woi ki mbina.

Zla d’a d’ogolâ 23:26

Gorona, ang han hurungû, ang hle ni balum asen mi.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 52:15

Andjaf suma ablaud’a a mba le atchap kamu, amuleina a mba duk vunazi yam zla mamba, kayam azi mba wäd’u vama a dazizi nga zlam yam tu d’uo na, a mba hum vama azi humum nga yazi tu d’uo na mi.

Jeremi 24:7

An mba ni malazi djib’er ra kuruzid’a woyo, azi mba wala an ni Ma didina, azi mba mbut sum mana, an tan mba ni arî Alo mazina, azi mba hulongî geven ki hur ma tuna.

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

Jeremi 30:21

Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.

Ezekiyel 16:9

An go mbina, an mbuzuk buzu ma ata’â woi pet, an lak mbulâ atak mi.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Sunda hi suma hi Levi-nid’a 14:7

Mi yam mbiyo máma ata sama libi ma mi mbut tam yed’et máma yayam yam kid’iziya. Bugola, mi de woi kam ala: Sama wana ni sama yed’etna! Mi i mi galei ma ar ari máma woi akulo abageya.

Sunda hi suma hi Levi-nid’a 16:4

Mi mbus tam mbeyo, mi tchuk baru d’a ngol la luluî d’a a tinit irat vata atam ki kalsong ma luluîna, mi djin d’ik ma luluîna furumu, mi d’ut kadamul la luluîd’a kam mi. Wana ni baru ma a tinim iram vam ma mam tchugum atama.

Sunda hi suma hi Levi-nid’a 8:6

Mi mba ki Aron azi ki groma, mi dazi ala a mbus tazi woyo.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Ndumba 8:7

Ang tinizi irazi vazi ni hina: Ang yamazi mbiyo ma a zlup ki yam tchod’ina kaziya, a wel tumus sa atazid’a woi pet, a mbus baru mazina woyo, a mbut tazi woi yed’et.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Wana ni Zla d’a Djivi d’a Luc mi b’irita 1:1

Teyofil, suma ablaud’a a hal lovota á b’ir yam ahle suma a le adigeina.

Jean 3:5

Jesus mi hulong dum ala: Gagazi, an nga ni dangû, le a vut nga sana ki mbina ki Muzu’â hAlonina d’uo ni, mi ndak á kal kur leud’a hAlonid’a d’i.

Jean 8:9

Kid’a azi hum hina d’a, azi pet a buzuk kei tutu, tin ad’ud’a ata suma nglona gak mba yam ma danan kisâ, a ar Jesus vam tu katcha ndata tchola avoromu.

Sunda hi suma a sunuzinid’a 22:16

Ki tchetchemba, ang djup mi me d’ei ge? Ang tchol akulo, ang le batemba, ang yi simiyê Salad’a, mi mbuzung tcho manga woyo.

Sunda hi suma a sunuzinid’a 8:21

Ang nga ki b’rau d’oze va kur zla ndata d’i, kayam hurung nga d’ingêr avok Alona d’i.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Efes-sâ 3:12

Yam he gagazi meid’a, ei zlabei tu ki Christ. Kayam ndata, ei fei lovota á kalei avok Alona bei mandarâ ba.

Efes-sâ 5:26

Mi mbuzut tei yed’et ki mbina, nala, zlad’a hAlonid’a, mi tinit irat vat mAlona mi.

Efes-sâ 6:5

Agi magumeina, agi humugi zlad’a hi suliyogi suma yam andagad’a ka hina ki mandarâ ki zlaka ki hur ma tuna d’igi ni mi Christ na.

1 Timote 4:2

A mba vit tazi woi yam hata hi suma lop ira ki suma ka zlad’a. Azi ni suma djib’er mazi d’a krovod’a ti mit tei d’igi a niragat ni ki kawei ma a gum kakud’ina na na.

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

Hebre-na 10:1

Gata hi Juif-fîd’a nangus ahle suma djivi suma a nga mbana, nga nahle ndazina tazi d’a gagazid’a d’i. Hina, ahle suma ngat buzu suma a nga hazi bizad’a ki bizad’a yam gat ndatina a ndak á mbut suma a hut go gen Alonina memet ti.

Hebre-na 10:19

Kayam ndata b’oziyona, ei ndak á kalei ata yima Alona mi tinim iram vam ma kal teglesâ bei mandarâ ba ni yam buzuna hi Jesus-na.

Hebre-na 11:28

Ni yam he gagazid’a ba, mi le Pa’â, mi he vuna á yam buzuna avun azina, kayam malaika ma tchi suma mi tchi gro suma a vud’uzi avo’â hi Israel-lîna woi d’i.

Hebre-na 12:24

Agi mbagi go gen Jesus ma aduk suma kAlona yam vun ma djin ma awilina ki buzuwam ma yama a nga dum zlam djivid’a kal buzuna hi Abel-lîna.

Hebre-na 4:16

Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.

Hebre-na 6:11

Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.

Hebre-na 7:19

Kayam gata hi Moise-sa ndak á le vama ndak memetna d’i, wani vama ei tini huri kam ma kal teglesâ mi mba wa. Kayam mamu, ei hud’i go gen Alona.

Hebre-na 9:10

Ahle ndazina ni yam ted’a ki tched’a ki mbus sa tetenga. Azi ni vun ma hed’a hi sumina hawa gak bur ma Alona mi mbut ahlena pet awilid’ina.

Hebre-na 9:19

Ata yima Moise mi tak suma vun ma hed’a hi gatina petna, mi hle buzuwa gro amuzleina ki buzuwa aho’â zlapa ki mbina ki tumus sa hleud’a hi timinid’a ki hisopma, mi yam buzu máma yam mbaktum mba gata, yam suma pet mi.

Jacques 1:6

Wani mbeî mi tchen ni ki he gagazid’a bei gigrita ba, kayam sama le gigritna mi hle tamî d’igi abilâ halum ma ngol ma simetna nga mi tcham tata na na.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

1 Pierre 3:21

Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.