Galat-na 6:12 - Bible azumeina

¹² Suma pet suma a min tak djivi mazid’a woi yam minda hi sa mazi ma adjeunid’a, ni azi ba, a nga lagi kad’enga á ngad’agi bayâd’a, kayam azi min fe ndaka yam agu ma b’ala hi Christ-sâ d’i.

Galat-na 6:12 ပူးပေါင်းရင်းမြစ်များ

Matiye 23:27

Ni zla d’a hohoud’a kagi agi suma hat gata ki Fariziyê suma lop ira, kayam agi ni d’igi asu d’a a gulud’ut hapid’a na. Ti djifa abu á gola, wani krovo ni oîd’a kaso’â hi suma matnina kahle suma tchimba pet mi.

Matiye 23:28

Agi ni na mi. Abu ir suma agi ni d’igi suma d’ingêrâ na, wani hurugi krovo ni oîd’a ki lop ira ki tchod’a mi.

Matiye 23:5

Azi nga le sun mazid’a pet ni kayambala suma a waziya d’a, azi nga tchuk gan gata hAlonid’a atazi bibigilir, azi nga ndjap ahle suma djifâ avun baru mazina ndjundjû mi.

Matiye 5:10

Suma a nga djobozi vunazi yam minda hAlonid’ina a le furîd’a, kayam leu d’a akulod’a ni mazid’a.

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Matiye 6:2

Kayam ndata, ang le nga he he d’a hawa manga mi suma houd’a ni, ar ang tchi wala kat d’igi suma lop ira a nga le kur gongîyo mazi suma toka ki grak lovota na d’i. A le hina kayam suma a suburuziya. Gagazi, an nga ni dagiya, a fe wa wurak mazid’a da’.

Matiye 6:5

Jesus mi had’azi kua ala: Ata yima agi nga tchenegi Alonina, agi lagi d’igi suma lop ira na d’i, kayam azi min á tchol akulo kur gongîyo mazi suma toka á tchenda, d’oze grak lovota á tchenda, kayam suma a waziya. Gagazi, an nga ni dagiya, a fe wa wurak mazid’a da’.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Wana ni Zla d’a Djivi d’a Luc mi b’irita 20:47

Azi tahlena harop suma modonod’a, a nga tchen Alona tchen nda fiyaka á mbut tazi djivid’a avok suma. Sum ndazina a mba kazi sariyad’a kazi ngola kala.

Jean 7:18

Sama de zla mamba ki yama mi halî subur mamba ki yamu, wani sama hal subura hi Ma sunumïna, mam mi ma d’engzeng ma bei mbut ira kurum ba na.

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 15:5

Wani suma hiu suma a nga kur hata hi Fariziyê suma a he gagazid’ina, a tchol a dala: Djivid’a a ngat andjaf suma ding suma a he gagazid’ina bayâd’a, a hazi vuna á ngom gata hi Moise-sa mi.

2 Korente-na 10:12

Kayam ami min suburumi tami ki suma a nga hle yazi akulona d’i, ami nga ngami tami ki sed’ezi d’uo mi. Wani ata yima azi tazi nga nga tazi ki tazina, ne mazid’a kid’aga.

2 Korente-na 11:13

Kayam azi ni suma a sunuzi suma ka zlad’a, ni suma lop suma, azi mbut tazi d’igi azi ni suma a sunuzi suma hi Christ-sâ na.

Galat-na 2:14

Wani ata yima an golozi a nga tit d’ingêr kur gagazid’a hi Zla d’a Djivid’a d’uo na, an de mi Pierre avunam mbei avok suma pet ala: Ang mala angî ma Juif-fâ na, ang nga tit d’igi andjaf suma dingâ na, ang nga tit d’igi Juif-fâ na d’i. Ni kayam me ba, ang nga le andjaf suma ding suma a he gagazid’ina kad’enga ala a tit d’igi Juif-fâ na ge?

Galat-na 2:3

Wani Tit ma nga ki sed’ena ni ma Gre’â, azi lum nga kad’enga á ngat bayâd’a d’i,

Galat-na 5:11

Wani b’oziyona, le an nga ni tchi wala yam bayâ d’a ngata tua ni, ni kayam me ba, a nga djobon vunan ki tchetchemba ge? Le ni na ni, wal la an nga ni tchat yam b’ala hi Christ sa akulo ata agunid’a, nga ni vama dap asema d’uo d’a.

Galat-na 6:13

Suma a ngat bayâd’ina ki yazi pî a nga tit yam gata d’i. Wani azi min ngad’agi bayâd’a kayam azi fe lovota á subur tazi yam hliwigiya.

Filip-ma 1:15

Gagazi, suma dingâ adigazi a nga tchi wal zlad’a hi Christ-sa ki yungôra kanu, ki tuguyod’a mi, wani suma dingâ a nga tchi wal zlad’a hi Christ-sa ki djib’er ra djivid’a.

Filip-ma 2:4

Ar nge nge pî adigagi mi hal va yam mam tamba go d’i, wani mi hal yam suma dingâ mi.

Filip-ma 3:18

Kayam suma dingâ ablaud’a a nga tid’a, ni suma an nga ni dagi zla mazid’a teteuna. Ki tchetchemba, an nga ni dagi kua ki simina iranu: Sum ndazina ni suma a kak djangûna ki matna hi Christ ma mi mit ata agu ma b’alina.

Kolos-sâ 2:23

Gagazi, abu ir suma gat ndata ki hat ndata nahle suma ned’a á zut suma á kud’or malaikana, á ge yazi kä luluma, á he tazi ndaka mi. Wani ahle ndazina ndak á d’el d’od’oka hi hliu tad’id’a d’i.