Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.
Ang gor sana, Israel-lâ a mbut iran an ni d’igi sud’o tchafa na. Azi pet ni kawei ma hleuna ki dorâ ki kawei ma wurana ki kawei ma anek ma gum aku á yorina. Azi ni d’igi sud’o kawei ma hapma na mi.
Wani Alona mba mi tak ayî mam ma bibiliuna woi mi suma a kak djangûna ki sed’em suma a nga ge yazi kä ad’u gagazid’a d’uo suma a nga tit kur tchod’ina.
An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.
Ar a fe sama he goroma d’oze goromba á ngala kakud’ina, d’oze sama djop fileina, d’oze sama djop ki tchitchiud’ina, d’oze sama kuma ma mbut ir suma, d’oze sama ve kumana,
Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.
Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.
So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.